gototopgototop
  1. Skip to Menu
  2. Skip to Content
  3. Skip to Footer>

Էրեբունի. այստեղից է սկսվում Երևանը

City

«Էրեբունի» պատմահնագիտական արգելոց-թանգարանը ստեղծվել է որպես Երևանի հիմնադրման պատմության «Էրեբունի» թանգարան` ՀՀ Կառավարության 1968 թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից` Արին բերդից, Կարմիր բլուրից և Շենգավիթից հայտնաբերված գտածոները:

Արգելոց-թանգարանը գործում է իր կանոնադրության հիման վրա` իրականացնելով գիտալուսավորչական, գիտատեղեկատվական և մշակութային գործունեություն:

Էրեբունի. այստեղից է սկսվում Երևանը

Woman

Արգելոց-թանգարանի գործունեության նպատակը մշակութային արժեք ներկայացնող նշյալ անշարժ հուշարձանների ուսումնասիրման, պահպանման, հանրահռչակման, օգտագործման, ինչպես նաև հուշարձանախմբերի, հուշարձանների համալիրների պատմական միջավայրի և դրան հարող տեղանքապատկերների (լանդշաֆտ) ամբողջական պահպանության ապահովումն է, այդ և այլ հուշարձաններից հայտնաբերված թանգարանային առարկաների և հավաքածուների հաշվառումը, թանգարանային հավաքածուի անխաթար և ամբողջական պահպանության ապահովումը:

Էրեբունի. այստեղից է սկսվում Երևանը

New York

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի

Էրեբունի. այստեղից է սկսվում Երևանը

Chess

Հանրության առջև թանգարանն իր դռները բացել է 1968թ. հոկտեմբերի 19-ին` ի նշանավորումն Երևան քաղաքի 2750-րդ տարեդարձի: ՀՀ Կառավարության 2003թ. մարտի 7-ի N 313-Ն որոշմամբ վերանվանվել է «Էրեբունի» պատմահնագիտական արգելոց-թանգարան` «Կարմիր բլուր» և «Շենգավիթ» մասնաճյուղերով:

Հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն` տարածաշրջանում:

Էրեբունի. այստեղից է սկսվում Երևանը

City

Կազմավորման փուլում թանգարանը բաղկացած էր վարչական մասից, հնագիտության սեկտորից (1 ֆոնդապահ) , մասնաճյուղ թանգարաններից և մասսայական բաժիններից: 1979թ. կազմակերպվել են գիտահետազոտական, ֆոնդերի հաշվառման և պահպանման բաժինները, ավելի ուշ` նաև գիտա-վերականգնողական լաբորատորիան:
ՀՀ Կառավարության 2010 թ. օգոստոսի 19-ի N1047 որոշմամբ «Էրեբունի» պատմահնագիտական արգելոց թանգարանը ՀՀ մշակույթի նախարարության ենթակայությունից անցել է Երևանի քաղաքապետարանին:

Ն. Գոգոլի անվ. թիվ 35 դպրոցի սաներն այսօր մասնակցել են մշակութային ժառանգության վերաբերյալ թեմատիկ սեմինարների և խոստովանել են, որ Էրեբունի ամրոցն իրենց ամենամոտ ժառանգությունն է

PDFՏպել

images/seminar021012.jpg02.10.2012

«Էրեբունի» պատմահնագիտական արգելոց-թանգարանում դպրոցականների համար անցկացվող թեմատիկ սեմինարի շրջանակում այսօր` 2012թ. հոկտեմբերի 2-ին, արգելոց-թանգարանում էին Էրեբունի վարչական շրջանի Ն. Գոգոլի անվ. թիվ 35 դպրոցի աշակերտները` պատմության ուսուցչուհի  Մ. Գյումրյանի ուղեկցությամբ:

Կարդալ ավելին...

Անրի Ռենո. Հազարամյակների պատմություն ունեցող Հայաստանը չի կարող իր տեղը չունենալ եվրոպական մշակույթում

PDFՏպել

images/anrireno290912.jpg

29.09.2012

«Էրեբունի» պատմահնագիտական արգելոց-թանգարանում բացվեց «Ճանապարհ. Էրեբունին երեկ և այսօր» հայ-ֆրանսիական համատեղ ցուցահանդեսը` ներկայացնելով Էրեբունի ամրոցի գիտական ուսումնասիրման ճանապարհը` հայտնաբերումից մինչ օրս: Ողջունելով ներկաներին` արգելոց-թանգարանի տնօրեն Գ. Գյուրջյանը անդրադարձավ պատմամշակութային ժառանգության պահպանության և այն հանրությանը մատչելի դարձնելու կարևորությանը:

Կարդալ ավելին...

Վաղը՝ սեպտեմբերի 29-ին, Էրեբունի արգելոց-թանգարանը հանրությանը կներկայանա առաջին անգամ ցուցադրվող 150-ից ավելի ցուցանմուշներով

PDFՏպել

images/exhibition290912.jpg

28.09.2012

«Էրեբունի» պատմահնագիտական արգելոց-թանգարանը 2012թ. սեպտեմբերի 29-ին Եվրոպական ժառանգության օրերին կմիանա «Ճանապարհ. Էրեբունին երեկ և այսօր» հայ-ֆրանսիական համատեղ ցուցահանդեսով՝ ներկայացնելով Էրեբունի ամրոցի գիտական ուսումնասիրման ճանապարհը՝ հայտնաբերումից մինչ օրս:

Կարդալ Ավելին...

«Էրեբունի» արգելոց-թանգարանը նոր ճանաչողական գրքույկ ունի

PDFՏպել

mages/bukletshapik280912.jpg

28.09.2012

«Էրեբունի» արգելոց-թանգարանի աշխատակազմի կողմից պատրաստվել է արգելոց-թանգարանը ներկայացնող նոր ճանաչողական գրքույկ: Այն ներկայացնում է արգելոց-թանգարանի կողմից կառավարվող 3 հնավայրերի` Էրեբունի և Թեյշեբաինի քաղաք-ամրոցների ու Շենգավիթ բնակատեղիի վերաբերյալ սեղմ ճանաչողական ակնարկներ` հայերեն, ռուսերեն և անգլերեն լեզուներով: Պատկերազարդ գրքույկը հասցեագրված է Հայաստանի և տարածաշրջանի հնագիտական ժառանգությամբ հետաքրքրվող մասնագետներին, զբոսաշրջիկներին և այցելուներին: «Էրեբունի» պատմահնագիտական արգելոց-թանգարան» խորագիրը կրող գրքույկի շնորհանդեսը տեղի կունենա «Էրեբունի» թանգարանում, 2012թ. սեպտեմբերի 29-ին` Հայաստանում Եվրոպական ժառանգության օրերի շրջանակում: Այն տպագրվել է «Տիգրան Մեծ» հրատարակչության տպարանում և կարելի է ձեռք բերել «Էրեբունի»թանգարանի հուշանվերների կրպակից:

Երևանի գեղարվեստի թեքումով դպրոցների սաները երեկ մասնակցել են «Էրեբունի» արգելոց-թանգարանում անցկացվող թեմատիկ սեմինարներին

PDFՏպել

images/trainingforartschoolsept272012.jpg

28.09.2012

Երեկ, 2012թ. սեպտեմբերի 27-ին, «Էրեբունի» պատմահնագիտական արգելոց-թանգարանը հյուրընկալեց Երևանի Ղ. Սարյանի անվ. արվեստի թիվ 1, Բ. Կանաչյանի անվ. արվեստի թիվ 17 և Փ. Թերլեմեզյանի անվ. գեղարվեստի պետական քոլեջի թվով 15 աշակերտների`«Տարածաշրջանային համագործակցություն հանուն մշակութային ժառանգության զարգացման» նախագծի շրջանակում:

Կարդալ Ավելին...

ԵՄ աջակցությամբ «Էրեբունի»պատմահնագիտական արգելոց-թանգարանում մեկնարկում են մշակութային և հնագիտական ժառանգությանը նվիրված սեմինարներ` դպրոցականների համար

PDFՏպել

24.09.2012 images/seminara240912.jpg

Եվրոպական միության կողմից ֆինանսավորվող նախագծերի շրջանակում 2012թ.  սեպտեմբերի 25-ից  «Էրեբունի» պատմահնագիտական արգելոց-թանգարանում մեկնարկում են մշակութային և հնագիտական ժառանգությանը  նվիրված  թեմատիկ  սեմինարներ` միջին տարիքի դպրոցականների համար:

Կարդալ Ավելին...

Էրեբունին կմիանա Եվրոպական ժառանգության օրերին` «Ճանապարհ. Էրեբունին երեկ և այսօր» հայ-ֆրանսիական համատեղ ցուցահանդեսով

PDFՏպել

images/hraviratoms12.jpg

14.09.2012

Այս տարի արդեն 27-րդ անգամ, 1985թ. ի վեր, Եվրոպական մշակութային կոնվենցիայի 50 անդամ-երկրներ հանդես կգան հանուն եվրոպական ժառանգության ճանաչման՝ Եվրոպայի խորհրդի և Եվրոպական հանձնաժողովի հովանու ներքո:  Եվրոպայի միլիոնավոր քաղաքացիներ կհամախմբվեն «Եվրոպա. ընդհանուր ժառանգություն» կարգախոսի շուրջ և իրենց այցելություններով կընդգծեն մշակութային ժառանգության արժեքը հասարակության համար:

ՀՀ մշակույթի նախարարության կողմից առաջարկված «Ճանապարհ» խորագրի ներքո Էրեբունին Օրերին կմիանա 2012թ. սեպտեմբերի 29-ին՝ իր այցելուներին ներկայացնելով Երևանի բնօրրանի` Էրեբունի քաղաք-ամրոցի ճանաչման ճանապարհը:

Կարդալ Ավելին...

Այցելություն Էրեբունի

Որմնանկարներ

Image 1

Վազող նժույգ
Էրեբունի, մ.թ.ա. 8դ.

Գտածոներ

Image 2

Բրոնզե թաս
Արգիշտի Ա-ի արձանագրությամբ
Կարմիր բլուր, մ.թ.ա. 8դ.

Ոսկերչություն

Image

Ոսկե մատանի
Կարմիր բլուր, մ.թ.ա. 8դ.

Խեցեղեն

Image 2

Ցլագլուխ
Ծիսական անոթ
Երևանի բիայնական դամբարան, մ.թ.ա. 8-7դդ.

Հուշանվերների կրպակ

 

Erebuni

Էրեբունի թանգարանի հուշանվերների կրպակում Դուք կարող եք ձեռք բերել թանգարանային հավաքածուից ընտրված առարկաների կրկնօրինակներ և դրանց պատկերների օգտագործմամբ ստեղծված մշակութային արտադրանքներ:

Հուշամատյան. պատառներ

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի


Guest Book