gototopgototop
  1. Skip to Menu
  2. Skip to Content
  3. Skip to Footer>

Էրեբունի. այստեղից է սկսվում Երևանը

City

«Էրեբունի» պատմահնագիտական արգելոց-թանգարանը ստեղծվել է որպես Երևանի հիմնադրման պատմության «Էրեբունի» թանգարան` ՀՀ Կառավարության 1968 թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից` Արին բերդից, Կարմիր բլուրից և Շենգավիթից հայտնաբերված գտածոները:

Արգելոց-թանգարանը գործում է իր կանոնադրության հիման վրա` իրականացնելով գիտալուսավորչական, գիտատեղեկատվական և մշակութային գործունեություն:

Էրեբունի. այստեղից է սկսվում Երևանը

Woman

Արգելոց-թանգարանի գործունեության նպատակը մշակութային արժեք ներկայացնող նշյալ անշարժ հուշարձանների ուսումնասիրման, պահպանման, հանրահռչակման, օգտագործման, ինչպես նաև հուշարձանախմբերի, հուշարձանների համալիրների պատմական միջավայրի և դրան հարող տեղանքապատկերների (լանդշաֆտ) ամբողջական պահպանության ապահովումն է, այդ և այլ հուշարձաններից հայտնաբերված թանգարանային առարկաների և հավաքածուների հաշվառումը, թանգարանային հավաքածուի անխաթար և ամբողջական պահպանության ապահովումը:

Էրեբունի. այստեղից է սկսվում Երևանը

New York

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի

Էրեբունի. այստեղից է սկսվում Երևանը

Chess

Հանրության առջև թանգարանն իր դռները բացել է 1968թ. հոկտեմբերի 19-ին` ի նշանավորումն Երևան քաղաքի 2750-րդ տարեդարձի: ՀՀ Կառավարության 2003թ. մարտի 7-ի N 313-Ն որոշմամբ վերանվանվել է «Էրեբունի» պատմահնագիտական արգելոց-թանգարան` «Կարմիր բլուր» և «Շենգավիթ» մասնաճյուղերով:

Հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն` տարածաշրջանում:

Էրեբունի. այստեղից է սկսվում Երևանը

City

Կազմավորման փուլում թանգարանը բաղկացած էր վարչական մասից, հնագիտության սեկտորից (1 ֆոնդապահ) , մասնաճյուղ թանգարաններից և մասսայական բաժիններից: 1979թ. կազմակերպվել են գիտահետազոտական, ֆոնդերի հաշվառման և պահպանման բաժինները, ավելի ուշ` նաև գիտա-վերականգնողական լաբորատորիան:
ՀՀ Կառավարության 2010 թ. օգոստոսի 19-ի N1047 որոշմամբ «Էրեբունի» պատմահնագիտական արգելոց թանգարանը ՀՀ մշակույթի նախարարության ենթակայությունից անցել է Երևանի քաղաքապետարանին:

Աշխատանքային հանդիպում «Էրեբունի» պատմահնագիտական արգելոց-թանգարանում

PDFՏպել

2016թ. հունվարի 26-ին «Էրեբունի» պատմահնագիտական արգելոց-թանգարանում կայացել է աշխատանքային հանդիպում Երևանի քաղաքապետարանի աշխատակազմի մշակույթի և տուրիզմի վարչության և քաղաքապետարանի ենթակայության 5 թանգարանների՝ Էրեբունի, Երևանի պատմության, Ժամանակակից արվեստի,Կարեն Դեմիրճյանի և Ֆրիտյոֆ Նանսենի թանգարանների տնօրենների և աշխատակիցների միջև, որը վարել է Մշակույթի և տուրիզմի վարչության պետի ժամանակավոր պաշտոնակատար Ռուբեն Հովհաննիսյանը:

Կարդալ ավելին

Խաղողագործությունը Հին Հայաստանում. նոր ցուցահանդես Երևանի կոնյակի գործարանում

PDFՏպել

2015թ. դեկտեմբերի 26-27-ին Երևանի կոնյակի գործարանում Բաց դռների օրերի շրջանակում հանրությանն է ներկայացվել «էրեբունի» պատմահնագիտական արգելոց-թանգարանի նոր ցուցահանդեսը՝ «Խաղողագործությունը Հին Հայաստանում» խորագրով: Ցուցահանդեսի նպատակն էր վեր հանել խաղողագործության ավանդույթը Հայաստանում՝ ի մասնավորի ներկայացնելով Ուրարտուի կամ Արարատյան թագավորության տարածքում խաղողագործության զարգացման պատմությունը՝ սկսած ջրանցքների անցկացումից, խաղողի այգիներ տնկելուց մինչև վերջինիս մշակումը, ապա նաև խաղողից ստացված գինու պահպանումը և դրա համար կառուցված մառանների ու անհրաժեշտ պարագաների՝ կարասների, կուժերի, եղջերագավաթների, սափորների ու թասերի կիրառումը:

Կարդալ ավելին

Էրեբունին ներկայացվել է «Հողաշեն ազգային ժառանգություն» միջազգային գիտաժողովին

PDFՏպել

2015թ. հոկտեմբերի 21-ից 23-ը «Էրեբունի» պատմահնագիտական արգելոց-թանգարանը մասնակցել է Հայաստանի ազգային գրադարանում տեղի ունեցած «Հողաշեն ազգային ժառանգություն. Հողը որպես նյութ Հայաստանի տարածքային զարգացման համար» թեմայով միջազգային գիտաժողովին, որն իրականացվել է Ճարտարապետության և շինարարության Հայաստանի ազգային համալսարանի և Լիոնի ճարտարապետության ազգային բարձրագույն դպրոցի համագործակցությամբ: «Էրեբունի» արգելոց-թանգարանի տնօրեն Գ. Գյուրջյանը հանդես է եկել «Նախագծեր Էրեբունի-Երևանի համար. ազգային ժառանգություն, պահպանում, արժևորում և զբոսաշրջություն» թեմայով զեկույցով:

Կարդալ ավելին

Պերսեպոլիսի տնօրենն այցելել է Էրեբունի արգելոց-թանգարան

PDFՏպել

2015թ. սեպտեմբերի 30-ին, Էրեբունի արգելոց-թանգարան է այցելել Իրանի Պերսեպոլիս /Թախտեջամշիդ/ թանգարանի տնօրեն Սեյեդ Ռեզաին: Էրեբունի թանգարանի տնօրեն Գ. Գյուրջյանի ուղեկցությամբ Պերսեպոլիսի տնօրենը նախ ծանոթացել է թանգարանի մշտական ցուցադրությանը, ապա դիտել օրեր առաջ թանգարանում բացված «Էրեբունիից Պերսեպոլիս. ուրարտական և աքեմենյան մշակույթների հանգույցում» ցուցահանդեսը, որը կազմակերպվել էր Իրանի ԻԿՕՄ-ի և Էրեբունի արգելոց-թանգարանի համագործակցությամբ:

Կարդալ ավելին

Նոր ցուցահանդես Եվրոպական ժառանգության օրերի շրջանակում

PDFՏպել

2015թ. սեպտեմբերի 26-ին «Էրեբունի» արգելոց-թանգարանում տեղի ունեցավ «Էրեբունիից Պերսեպոլիս. ուրարտական և աքեմենյան մշակույթների հանգույցում» ցուցահանդեսի բացումը: Այն կազմակերպվել էր Հայաստանում Եվրոպական ժառանգության օրերի շրջանակում՝ Իրանի ԻԿՕՄ-ի ազգային կոմիտեի /Թանգարանների միջազգային խորհուրդ/ և «Էրեբունի» պատմահնագիտական արգելոց-թանգարանի համատեղ ջանքերով:

Կարդալ ավելին

Եվրոպական ժառանգության օրերն Էրեբունի արգելոց-թանգարանում

PDFՏպել

«Էրեբունի» պատմահնագիտական արգելոց-թանգարանն այս տարի սեպտեմբերի 26-ին Եվրոպական ժառանգության օրերին կմիանա  միջոցառումների հատուկ ծրագրով: Հանդիսանալով Եվրոպայի հազարավոր քաղաքացիների կողմից սիրված և  սպասված նախաձեռնություն՝ Եվրոպական ժառանգության օրերի անցկացումն ազգային արժեքները որպես Եվրոպայի մեկ ընդհանուր ժառանգություն դիտարկելու կարևոր  իրադարձություն  է: Եվրոպական ժառանգության օրերի մեկնարկը «Էրեբունի» արգելոց-թանգարանում կնշանավորվի նոր ցուցահանդեսի բացմամբ, որը կրում է «Էրեբունիից Պերսեպոլիս. ուրարտական և աքեմենյան մշակույթների հանգույցում» խորագիրը: Այն կիրականացվի Իրանի ԻԿՕՄ-ի ազգային կոմիտեի և «Էրեբունի» պատմահնագիտական արգելոց-թանգարանի հետ համագործակցության շրջանակում:

Կարդալ ավելին

Միխայիլ Պիոտրովսկին այցելել է Էրեբունի արգելոց-թանգարան

PDFՏպել

2015թ.սեպտեմբերի 17-ին, «ԱՐԱՐԱՏ Էրեբունի կոնյակի շնորհանդեսի շրջանակներում Հայաստանում գտնվող Էրմիտաժի պետական թանգարանի տնօրեն Միխայիլ Պիոտրովսկին այցելել է «Էրեբունի» պատմահնագիտական արգելոց-թանգարան: Արգելոց-թանգարանի տնօրեն Գ. Գյուրջյանի ուղեկցությամբ Մ. Պիոտրովսկին նախ դիտել է թանգարանի մշտական ցուցադրությունը, գրառում կատարել թանգարանի Պատվավոր հյուրերի գրքում, ապա այցելել Էրեբունի միջնաբերդ:

 

Կարդալ ավելին

Այցելություն Էրեբունի

Որմնանկարներ

Image 1

Վազող նժույգ
Էրեբունի, մ.թ.ա. 8դ.

Գտածոներ

Image 2

Բրոնզե թաս
Արգիշտի Ա-ի արձանագրությամբ
Կարմիր բլուր, մ.թ.ա. 8դ.

Ոսկերչություն

Image

Ոսկե մատանի
Կարմիր բլուր, մ.թ.ա. 8դ.

Խեցեղեն

Image 2

Ցլագլուխ
Ծիսական անոթ
Երևանի բիայնական դամբարան, մ.թ.ա. 8-7դդ.

Հուշանվերների կրպակ

 

Erebuni

Էրեբունի թանգարանի հուշանվերների կրպակում Դուք կարող եք ձեռք բերել թանգարանային հավաքածուից ընտրված առարկաների կրկնօրինակներ և դրանց պատկերների օգտագործմամբ ստեղծված մշակութային արտադրանքներ:

Հուշամատյան. պատառներ

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի


Guest Book