gototopgototop
  1. Skip to Menu
  2. Skip to Content
  3. Skip to Footer>

Էրեբունի. այստեղից է սկսվում Երևանը

City

«Էրեբունի» պատմահնագիտական արգելոց-թանգարանը ստեղծվել է որպես Երևանի հիմնադրման պատմության «Էրեբունի» թանգարան` ՀՀ Կառավարության 1968 թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից` Արին բերդից, Կարմիր բլուրից և Շենգավիթից հայտնաբերված գտածոները:

Արգելոց-թանգարանը գործում է իր կանոնադրության հիման վրա` իրականացնելով գիտալուսավորչական, գիտատեղեկատվական և մշակութային գործունեություն:

Էրեբունի. այստեղից է սկսվում Երևանը

Woman

Արգելոց-թանգարանի գործունեության նպատակը մշակութային արժեք ներկայացնող նշյալ անշարժ հուշարձանների ուսումնասիրման, պահպանման, հանրահռչակման, օգտագործման, ինչպես նաև հուշարձանախմբերի, հուշարձանների համալիրների պատմական միջավայրի և դրան հարող տեղանքապատկերների (լանդշաֆտ) ամբողջական պահպանության ապահովումն է, այդ և այլ հուշարձաններից հայտնաբերված թանգարանային առարկաների և հավաքածուների հաշվառումը, թանգարանային հավաքածուի անխաթար և ամբողջական պահպանության ապահովումը:

Էրեբունի. այստեղից է սկսվում Երևանը

New York

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի

Էրեբունի. այստեղից է սկսվում Երևանը

Chess

Հանրության առջև թանգարանն իր դռները բացել է 1968թ. հոկտեմբերի 19-ին` ի նշանավորումն Երևան քաղաքի 2750-րդ տարեդարձի: ՀՀ Կառավարության 2003թ. մարտի 7-ի N 313-Ն որոշմամբ վերանվանվել է «Էրեբունի» պատմահնագիտական արգելոց-թանգարան` «Կարմիր բլուր» և «Շենգավիթ» մասնաճյուղերով:

Հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն` տարածաշրջանում:

Էրեբունի. այստեղից է սկսվում Երևանը

City

Կազմավորման փուլում թանգարանը բաղկացած էր վարչական մասից, հնագիտության սեկտորից (1 ֆոնդապահ) , մասնաճյուղ թանգարաններից և մասսայական բաժիններից: 1979թ. կազմակերպվել են գիտահետազոտական, ֆոնդերի հաշվառման և պահպանման բաժինները, ավելի ուշ` նաև գիտա-վերականգնողական լաբորատորիան:
ՀՀ Կառավարության 2010 թ. օգոստոսի 19-ի N1047 որոշմամբ «Էրեբունի» պատմահնագիտական արգելոց թանգարանը ՀՀ մշակույթի նախարարության ենթակայությունից անցել է Երևանի քաղաքապետարանին:

ՀՀ-ում Ամերիկայի Միացյալ Նահանգների արտակարգ և լիազոր դեսպան Ջոն Հեֆֆերնը այցելել է Շենգավիթ հնավայր

PDF Տպել

images/usaambassador250712.jpg25.07.2012

ՀՀ-ում Ամերիկայի Միացյալ Նահանգների արտակարգ և լիազոր դեսպան Ջոն Հեֆֆերնը այցելել է Շենգավիթ հնավայր

Այսօր, 2012թ. հուլիսի 25-ին ՀՀ-ում ԱՄՆ արտակարգ և լիազոր դեսպան Ջոն Հեֆֆերնը տիկնոջ և դեսպանության մշակութային  ծրագրերի տնօրեն Շոն  Օհարայի հետ այցելել է դեսպանության հարևանությամբ պահպանվող <<Շենգավիթ>> հնավայր, ուր ընթանում են հայ-ամերիկյան համատեղ հնագիտական պեղումներ՝ Երևանի քաղաքապետարանի <<Էրեբունի>> պատմահնագիտական արգելոց-թանգարանի և ՀՀ Մշակույթի նախարարության <<Պատմամշակութային ժառանգության գիտահետազոտական կենտրոն>> ՊՈԱԿ-ի նախաձեռնությամբ:

<<Էրեբունի>> պատմահնագիտական արգելոց-թանգարանի տնօրեն Գ.Գյուրջյանի և <<Շենգավիթ>> մասնաճյուղի վարիչ Վ. Ճաղարյանի ուղեկցությամբ դեսպանը շրջել է հնավայրում, ծանոթացել Շենգավիթ վաղ երկրագործական բնակատեղիում 1950-ականների վերջին ձեռնարկված հնագիտական հետազոտությունների պատմությանը: Գ. Գյուրջյանը ներկայացրել է քաղաքաշինական բարդ հանգույցում տեղակայված հուշարձանի պահպանության բարդությունները, ինչպես նաև, Շենգավիթ բնակատեղիի նշանակությունը համաշխարհային հնագիտական ժառանգության համատեքստում:

Հայ-ամերիկյան պեղումների ընթացքը և կարևորությունը դեսպանին ներկայացրել են ԱՄՆ Փենսիլվանիայի նահանգի Ուայդների համալսարանի պրոֆ. Միթչել Ռոտմանը և հայկական արշավախմբի ղեկավար Հ. Սիմոնյանը: Մ. Ռոտմանը ընդգծել է, որ այս գործաշրջանում պեղումների նպատակն է ընտրված հնագիտական քառակուսում կատարվող շուրֆի միջոցով ճշգրտել հուշարձանի շերտագրությունը: Հ. Սիմոնյանը ներկայացրել է հնավայրի հյուսիս-արևելյան լանջին բացված կլոր աշտարակով պարսպապատը, ինչպես նաև, մի շարք կառույցներ, որոնց ֆունկցիոնալ նշանակությունը դեռևս ուսումնասիրության կարիք ունի:

Ծանոթանալով <<Շենգավիթ>> թանգարանի ցուցադրությանը՝ դեսպանը առանձնապես տպավորվել է հայերի նախատիպ համարվող շենգավիթյան մարդու դեմքի վերականգնմամբ, որը 1960-ականներին Շենգավիթի դամբարաններից հայտնաբերված մարդկային ոսկորների հիման վրա վերականգնել է մարդաբան Անդրանիկ Ճաղարյանը:

Այցելություն Էրեբունի

Որմնանկարներ

Image 1

Վազող նժույգ
Էրեբունի, մ.թ.ա. 8դ.

Գտածոներ

Image 2

Բրոնզե թաս
Արգիշտի Ա-ի արձանագրությամբ
Կարմիր բլուր, մ.թ.ա. 8դ.

Ոսկերչություն

Image

Ոսկե մատանի
Կարմիր բլուր, մ.թ.ա. 8դ.

Խեցեղեն

Image 2

Ցլագլուխ
Ծիսական անոթ
Երևանի բիայնական դամբարան, մ.թ.ա. 8-7դդ.

Հուշանվերների կրպակ

 

Erebuni

Էրեբունի թանգարանի հուշանվերների կրպակում Դուք կարող եք ձեռք բերել թանգարանային հավաքածուից ընտրված առարկաների կրկնօրինակներ և դրանց պատկերների օգտագործմամբ ստեղծված մշակութային արտադրանքներ:

Հուշամատյան. պատառներ

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի


Guest Book