gototopgototop
  1. Skip to Menu
  2. Skip to Content
  3. Skip to Footer>

Էրեբունի. այստեղից է սկսվում Երևանը

City

«Էրեբունի» պատմահնագիտական արգելոց-թանգարանը ստեղծվել է որպես Երևանի հիմնադրման պատմության «Էրեբունի» թանգարան` ՀՀ Կառավարության 1968 թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից` Արին բերդից, Կարմիր բլուրից և Շենգավիթից հայտնաբերված գտածոները:

Արգելոց-թանգարանը գործում է իր կանոնադրության հիման վրա` իրականացնելով գիտալուսավորչական, գիտատեղեկատվական և մշակութային գործունեություն:

Էրեբունի. այստեղից է սկսվում Երևանը

Woman

Արգելոց-թանգարանի գործունեության նպատակը մշակութային արժեք ներկայացնող նշյալ անշարժ հուշարձանների ուսումնասիրման, պահպանման, հանրահռչակման, օգտագործման, ինչպես նաև հուշարձանախմբերի, հուշարձանների համալիրների պատմական միջավայրի և դրան հարող տեղանքապատկերների (լանդշաֆտ) ամբողջական պահպանության ապահովումն է, այդ և այլ հուշարձաններից հայտնաբերված թանգարանային առարկաների և հավաքածուների հաշվառումը, թանգարանային հավաքածուի անխաթար և ամբողջական պահպանության ապահովումը:

Էրեբունի. այստեղից է սկսվում Երևանը

New York

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի

Էրեբունի. այստեղից է սկսվում Երևանը

Chess

Հանրության առջև թանգարանն իր դռները բացել է 1968թ. հոկտեմբերի 19-ին` ի նշանավորումն Երևան քաղաքի 2750-րդ տարեդարձի: ՀՀ Կառավարության 2003թ. մարտի 7-ի N 313-Ն որոշմամբ վերանվանվել է «Էրեբունի» պատմահնագիտական արգելոց-թանգարան` «Կարմիր բլուր» և «Շենգավիթ» մասնաճյուղերով:

Հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն` տարածաշրջանում:

Էրեբունի. այստեղից է սկսվում Երևանը

City

Կազմավորման փուլում թանգարանը բաղկացած էր վարչական մասից, հնագիտության սեկտորից (1 ֆոնդապահ) , մասնաճյուղ թանգարաններից և մասսայական բաժիններից: 1979թ. կազմակերպվել են գիտահետազոտական, ֆոնդերի հաշվառման և պահպանման բաժինները, ավելի ուշ` նաև գիտա-վերականգնողական լաբորատորիան:
ՀՀ Կառավարության 2010 թ. օգոստոսի 19-ի N1047 որոշմամբ «Էրեբունի» պատմահնագիտական արգելոց թանգարանը ՀՀ մշակույթի նախարարության ենթակայությունից անցել է Երևանի քաղաքապետարանին:

Երևանի գեղարվեստի թեքումով դպրոցների սաները երեկ մասնակցել են «Էրեբունի» արգելոց-թանգարանում անցկացվող թեմատիկ սեմինարներին

PDF Տպել

images/trainingforartschoolsept272012.jpg

28.09.2012

Երեկ, 2012թ. սեպտեմբերի 27-ին, «Էրեբունի» պատմահնագիտական արգելոց-թանգարանը հյուրընկալեց Երևանի Ղ. Սարյանի անվ. արվեստի թիվ 1, Բ. Կանաչյանի անվ. արվեստի թիվ 17 և Փ. Թերլեմեզյանի անվ. գեղարվեստի պետական քոլեջի թվով 15 աշակերտների`«Տարածաշրջանային համագործակցություն հանուն մշակութային ժառանգության զարգացման» նախագծի շրջանակում:

Որպես նախագծի մասնակցային գործընկեր` արգելոց-թանգարանն արդեն ամիսներ շարունակ ընդունում է վերոնշյալ դպրոցների ստեղծագործող սաներին` 10-15 տարեկան դպրոցականների, որոնք ունկնդրում են մեկնաբանություններ և բացատրություններ Էրեբունի ամրոցի պաշտամունքային-կրոնական, պալատական և տնտեսական կառույցների ճարտարապետության, պեղումներով բացահայտված առարկաների նյութի և նկարագրության վերաբերյալ: Հիմնական ցուցադրությանը ծանոթանալուց հետո , նրանք իրականացնում են նկարչության դասեր բուն հնավայրում:

Սեպտեմբերի 27-ին` սեմինարին ընդառաջ, նշյալ դպրոցների սաները սեմինարի լսարանը զարդարեցին Էրեբունի ամրոցին և Երևանին նվիրված իրենց աշխատանքներով: Շատերը փորձեցին սեմինարի ընթացքում ևս անել ճեպանկարներ: Երեխաները խոստովանեցին, որ անչափ սիրում են այցելել Հայաստանի հուշարձաններ և իրենց զգացածը թղթին հանձնել: Նրանք  նույնիսկ ասացին, որ Հայաստանի տասնյակ հազարավոր հուշարձաններից իրենց հավասարապես սիրելի են բոլորը:

Սեմինարի ավարտին Բ. Կանաչյանի անվ. արվեստի դպրոցի տնօրեն Ա. Մուրադյանը շնորհակալություն հայտնեց արգելոց-թանագարանին և առաջարկեց սեմինարները դարձնել մշտապես գործող կրթական ծրագիր: Իսկ սեմինարի մասնակից դպրոցականներից  շատերն էլ արգելոց-թանգարանին  նվիրեցին Էրեբունի ամրոցին վերաբերող իրենց աշխատանքները:

Թեմատիկ սեմինարների հաջորդ դասը կկայանա 2012թ. հոկտեմբերի 2-ին` Երևանի Ն. Գոգոլի անվ. թիվ 35 դպրոցի աշակերտների մասնակցությամբ:

Սեմինարները նախապատրաստվել են Արևելյան գործընկերության «Մշակույթ» ծրագրի շրջանակում իրականացվող «Տարածաշրջանային համագործակցություն հանուն մշակութային ժառանգության զարգացման» նախագծի շրջանակում` ԻԿՕՄՕՍ/Հայաստան հասարակական կազմակերպության և նախագծի մասնակցային գործընկեր «Էրեբունի» արգելոց-թանգարանի կողմից` ՀՀ  կրթության և գիտության նախարարության հետ համագործակցությամբ:

Նախագիծն իրականացվում է Վրաստանում (ԻԿՕՄՕՍ/Վրաստան, գլխավոր գործընկեր), Հայաստանում (ԻԿՕՄՕՍ/Հայաստան , գործընկեր) և Ուկրաինայում («Architectura l Prestizh», գործընկեր):

Նախագծի շնորհանդեսը Հայաստանում տեղի է ունեցել 2012թ. հունիսի 15-ին`«Էրեբունի» պատմահնագիտական արգելոց-թանգարանում:

Այցելություն Էրեբունի

Որմնանկարներ

Image 1

Վազող նժույգ
Էրեբունի, մ.թ.ա. 8դ.

Գտածոներ

Image 2

Բրոնզե թաս
Արգիշտի Ա-ի արձանագրությամբ
Կարմիր բլուր, մ.թ.ա. 8դ.

Ոսկերչություն

Image

Ոսկե մատանի
Կարմիր բլուր, մ.թ.ա. 8դ.

Խեցեղեն

Image 2

Ցլագլուխ
Ծիսական անոթ
Երևանի բիայնական դամբարան, մ.թ.ա. 8-7դդ.

Հուշանվերների կրպակ

 

Erebuni

Էրեբունի թանգարանի հուշանվերների կրպակում Դուք կարող եք ձեռք բերել թանգարանային հավաքածուից ընտրված առարկաների կրկնօրինակներ և դրանց պատկերների օգտագործմամբ ստեղծված մշակութային արտադրանքներ:

Հուշամատյան. պատառներ

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի


Guest Book