gototopgototop
  1. Skip to Menu
  2. Skip to Content
  3. Skip to Footer>

Էրեբունի. այստեղից է սկսվում Երևանը

City

«Էրեբունի» պատմահնագիտական արգելոց-թանգարանը ստեղծվել է որպես Երևանի հիմնադրման պատմության «Էրեբունի» թանգարան` ՀՀ Կառավարության 1968 թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից` Արին բերդից, Կարմիր բլուրից և Շենգավիթից հայտնաբերված գտածոները:

Արգելոց-թանգարանը գործում է իր կանոնադրության հիման վրա` իրականացնելով գիտալուսավորչական, գիտատեղեկատվական և մշակութային գործունեություն:

Էրեբունի. այստեղից է սկսվում Երևանը

Woman

Արգելոց-թանգարանի գործունեության նպատակը մշակութային արժեք ներկայացնող նշյալ անշարժ հուշարձանների ուսումնասիրման, պահպանման, հանրահռչակման, օգտագործման, ինչպես նաև հուշարձանախմբերի, հուշարձանների համալիրների պատմական միջավայրի և դրան հարող տեղանքապատկերների (լանդշաֆտ) ամբողջական պահպանության ապահովումն է, այդ և այլ հուշարձաններից հայտնաբերված թանգարանային առարկաների և հավաքածուների հաշվառումը, թանգարանային հավաքածուի անխաթար և ամբողջական պահպանության ապահովումը:

Էրեբունի. այստեղից է սկսվում Երևանը

New York

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի

Էրեբունի. այստեղից է սկսվում Երևանը

Chess

Հանրության առջև թանգարանն իր դռները բացել է 1968թ. հոկտեմբերի 19-ին` ի նշանավորումն Երևան քաղաքի 2750-րդ տարեդարձի: ՀՀ Կառավարության 2003թ. մարտի 7-ի N 313-Ն որոշմամբ վերանվանվել է «Էրեբունի» պատմահնագիտական արգելոց-թանգարան` «Կարմիր բլուր» և «Շենգավիթ» մասնաճյուղերով:

Հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն` տարածաշրջանում:

Էրեբունի. այստեղից է սկսվում Երևանը

City

Կազմավորման փուլում թանգարանը բաղկացած էր վարչական մասից, հնագիտության սեկտորից (1 ֆոնդապահ) , մասնաճյուղ թանգարաններից և մասսայական բաժիններից: 1979թ. կազմակերպվել են գիտահետազոտական, ֆոնդերի հաշվառման և պահպանման բաժինները, ավելի ուշ` նաև գիտա-վերականգնողական լաբորատորիան:
ՀՀ Կառավարության 2010 թ. օգոստոսի 19-ի N1047 որոշմամբ «Էրեբունի» պատմահնագիտական արգելոց թանգարանը ՀՀ մշակույթի նախարարության ենթակայությունից անցել է Երևանի քաղաքապետարանին:

«Արգելոց-թանգարանների տեղը և դերը մշակութային ժառանգության պահպանության և օգտագործման համակարգում». ՅՈՒՆԵՍԿՕ/ԻԿՕՄ գործընկերություն

PDF Տպել

images/kishinev091221012.jpg

14.11.2012

2012թ. նոյեմբերի 9-12-ը Քիշնևում (Մոլդովա) տեղի է ունեցել ԱՊՀ երկրների թանգարանային մասնագետների տարածաշրջանային թեմատիկ  ուսուցողական սեմինար` ՅՈՒՆԵՍԿՕ-ի և Հումանիտար համագործակցության միջպետական հիմնադրամի «Թանգարանի կառավարումը. 21-րդ դար» պիլոտային ծրագրի շրջանակում: Ուսուցողական սեմինարին, որն ընթացել է «Արգելոց-թանգարանների տեղը և դերը մշակութային ժառանգության պահպանության և օգտագործման համակարգում» թեմայով, մասնակցել են Ռուսաստանի Դաշնության, Ադրբեջանի, Հայաստանի, Բելառուսի, Ղազախստանի, Ղըրղըզստանի, Մոլդովայի, Տաջիկստանի, Ուզբեկստանի և Ուկրաինայի թանգարանների 30 մասնագետներ, ովքեր ներկայացրել են արգելոց-թանգարանների կառավարման սեփական հաջողված փորձն ու խնդիրները: Հայաստանը ներկայացրել է «Էրեբունի» պատմահնագիտական արգելոց-թանգարանի գիտաշխատող Միքայել Բադալյանը:

Ուսուցողական սեմինարն ընթացել է 6 նիստերով` քննարկելով ԱՊՀ երկրների արգելոց-թանգարանների տիպային բազմազանությանը, մշակույթի բնագավառում ՅՈՒՆԵՍԿՕ-ի հեղինակած կոնվենցիաների կատարման ուղղությամբ  արգելոց-թանգարանների դերին, արգելոց-թանգարանների կառավարման սկզբունքներին, նոր տնտեսական զարգացման համատեքստում դրանց դերակատարությանն առնչվող խնդիրներ: Առանձին քննարկման առարկա են հանդիսացել նաև բնության ժառանգության պահպանությունն ու բնության արգելավայր-թանգարանների գործունեության հիմնահարցերը:

«Էրեբունի» պատմահնագիտական արգելոց-թանգարանի գիտաշխատող Միքայել Բադալյանը սեմինարի մասնակիցներին ներկայացրել է «Պատանի հնագետի դպրոց» նախագիծը` որպես կրթական նախաձեռնություն և թանգարանային մարկետինգի գործիք: Ներկայացված էլեկտրոնային ցուցադրությունը և մեկնաբանությունները մեծ հետաքրքրություն են  առաջացրել մասնակիցների շրջանում և Մ. Բադալյանը պատասխանել է դպրոցի կազմակերպմանը և գործունեությանն առնչվող բազմաթիվ հարցերի:   Միքայել Բադալյանի զեկույցն ընդգրկվել է սեմինարի նյութերի ժողովածուում, որը  կհրատարակվի առաջիկայում:

Ուսուցողական սեմինարին մասնակցել են ԱՊՀ տարածքում ճանաչում ունեցող այնպիսի արգելոց-թանգարաններ` ինչպիսիք են «Նեսվիժ» պատմամշակութային /Բելառուս/, «Տամգալա» պատմամշակութային և բնության /Ղազախստան/, «Յասնայա պոլյանա» /Ռուսաստան/, «Բուխարա» պատմաճարտարապետական /Ուզբեկստան/ արգելոց-թանգարանները: Սեմինարի մասնակիցներին հյուրընկալել էր Քիշնևի Բնության և ազգագրության ազգային արգելոց-թանգարանը:

«Էրեբունի» պատմահնագիտական արգելոց-թանգարան

Այցելություն Էրեբունի

Որմնանկարներ

Image 1

Վազող նժույգ
Էրեբունի, մ.թ.ա. 8դ.

Գտածոներ

Image 2

Բրոնզե թաս
Արգիշտի Ա-ի արձանագրությամբ
Կարմիր բլուր, մ.թ.ա. 8դ.

Ոսկերչություն

Image

Ոսկե մատանի
Կարմիր բլուր, մ.թ.ա. 8դ.

Խեցեղեն

Image 2

Ցլագլուխ
Ծիսական անոթ
Երևանի բիայնական դամբարան, մ.թ.ա. 8-7դդ.

Հուշանվերների կրպակ

 

Erebuni

Էրեբունի թանգարանի հուշանվերների կրպակում Դուք կարող եք ձեռք բերել թանգարանային հավաքածուից ընտրված առարկաների կրկնօրինակներ և դրանց պատկերների օգտագործմամբ ստեղծված մշակութային արտադրանքներ:

Հուշամատյան. պատառներ

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի


Guest Book