gototopgototop
  1. Skip to Menu
  2. Skip to Content
  3. Skip to Footer>

Էրեբունի. այստեղից է սկսվում Երևանը

City

«Էրեբունի» պատմահնագիտական արգելոց-թանգարանը ստեղծվել է որպես Երևանի հիմնադրման պատմության «Էրեբունի» թանգարան` ՀՀ Կառավարության 1968 թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից` Արին բերդից, Կարմիր բլուրից և Շենգավիթից հայտնաբերված գտածոները:

Արգելոց-թանգարանը գործում է իր կանոնադրության հիման վրա` իրականացնելով գիտալուսավորչական, գիտատեղեկատվական և մշակութային գործունեություն:

Էրեբունի. այստեղից է սկսվում Երևանը

Woman

Արգելոց-թանգարանի գործունեության նպատակը մշակութային արժեք ներկայացնող նշյալ անշարժ հուշարձանների ուսումնասիրման, պահպանման, հանրահռչակման, օգտագործման, ինչպես նաև հուշարձանախմբերի, հուշարձանների համալիրների պատմական միջավայրի և դրան հարող տեղանքապատկերների (լանդշաֆտ) ամբողջական պահպանության ապահովումն է, այդ և այլ հուշարձաններից հայտնաբերված թանգարանային առարկաների և հավաքածուների հաշվառումը, թանգարանային հավաքածուի անխաթար և ամբողջական պահպանության ապահովումը:

Էրեբունի. այստեղից է սկսվում Երևանը

New York

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի

Էրեբունի. այստեղից է սկսվում Երևանը

Chess

Հանրության առջև թանգարանն իր դռները բացել է 1968թ. հոկտեմբերի 19-ին` ի նշանավորումն Երևան քաղաքի 2750-րդ տարեդարձի: ՀՀ Կառավարության 2003թ. մարտի 7-ի N 313-Ն որոշմամբ վերանվանվել է «Էրեբունի» պատմահնագիտական արգելոց-թանգարան` «Կարմիր բլուր» և «Շենգավիթ» մասնաճյուղերով:

Հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն` տարածաշրջանում:

Էրեբունի. այստեղից է սկսվում Երևանը

City

Կազմավորման փուլում թանգարանը բաղկացած էր վարչական մասից, հնագիտության սեկտորից (1 ֆոնդապահ) , մասնաճյուղ թանգարաններից և մասսայական բաժիններից: 1979թ. կազմակերպվել են գիտահետազոտական, ֆոնդերի հաշվառման և պահպանման բաժինները, ավելի ուշ` նաև գիտա-վերականգնողական լաբորատորիան:
ՀՀ Կառավարության 2010 թ. օգոստոսի 19-ի N1047 որոշմամբ «Էրեբունի» պատմահնագիտական արգելոց թանգարանը ՀՀ մշակույթի նախարարության ենթակայությունից անցել է Երևանի քաղաքապետարանին:

Կարողությունների ամրապնդում մշակութային ժառանգության սեկտորում

PDF Տպել

images/081212vrastan.jpg

08.12.2012

«Էրեբունի» պատմահնագիտական արգելոց-թանգարանը մասնակցել է Եվրոպական միության Արևելյան գործընկերության «ՄՇԱԿՈՒՅԹ» ծրագրով իրականացվող «Տարածաշրջանային համագործակցություն հանուն մշակութային ժառանգության պահպանության» նախագծի շրջանակում 2012թ. դեկտեմբերի 6-7-ը Թբիլիսիում տեղի ունեցած 3-րդ միջազգային գործնական սեմինարին` «Կարողությունների ամրապնդում մշակութային  ժառանգության սեկտորում»  թեմայով:

Գործնական սեմինարին ներկայացված են եղել  ժառանգության սեկտորի մասնագետներ Վրաստանից, Հայաստանից, Ուկրաինայից, Ադրբեջանից և Նորվեգիայից: Սեմինարը վարել է միջազգային փորձագետ, Օսլոյի մշակութային ժառանգության կառավարման դեպարտամենտի տնօրեն Մորթեն Ստիգը: Կարևորելով թեմայի արդիականությունը` սեմինարի աշխատանքներին ներկա են եղել և  մասնակիցներին ողջունել Վրաստանի Մշակույթի փոխնախարար Մարինե Միզանդարին, ՅՈՒՆԵՍԿՕ-ի գործերով Վրաստանի ազգային հանձնաժողովի գլխ. քարտուղար Քեթևան Կանդելակին և ԵՄ Վրաստանի պատվիրակության ծրագրերի կառավարիչ Օլիվեր Ռայսները:  Հայաստանը ներկայացրել է «Էրեբունի» պատմահնագիտական արգելոց-թանգարանի տնօրեն, «ԻԿՕՄՕՍ/Հայաստան» կազմակերպության նախագահ Գագիկ Գյուրջյանը:

Սեմինարն ընթացել է մասնակից երկրներից ժառանգությունների քաղաքականության և օրենսդրական շրջանակների մասին  հաղորդումներով` ներառելով առանձին հաջողված և ձախողված օրինակներ: Մասնավորապես որպես հաջողված փորձի օրինակ մանրամասնորեն ներկայացվել է Օսլոյի քաղաքապետարանի ռազմավարությունը`  քաղաքի ժառանգության պահպանության ուղղությամբ: Կիևի քաղաքապետարանի քաղաքաշինական վարչության փորձագետ Օլգա Վասիլչենկոյի կողմից ներկայացվել է  «Կիև. Քաղաք մարդկանց համար» նոր նախագիծը`  նպատակաուղղված  քաղաքային միջավայրի նորացմանը և փողոցների պաստպորտավորմանը:

«Էրեբունի» պատմահնագիտական արգելոց-թանգարանի տնօրեն Գ. Գյուրջյանը  հանդես է եկել  «Ժառանգության օրենսդրական պաշտպանվածությունը Հայաստանում. Կատարելագործման անհրաժեշտությունը» զեկուցմամբ` մասնավորապես մեկնաբանելով «Պետական սեփականություն համարվող և օտարման ոչ ենթակա պատմության և մշակույթի անշարժ  հուշարձանների մասին» ՀՀ օրենքը:  Զեկուցմանը զուգահեռ ներկայացվել է էլեկտրոնային պատկերաշար` «Հայաստան. մոտեցում պատմամշակութային ժառանգությանը. Վերջին տասնամյակ» թեմայով, ինչը թույլ է տվել ներկաներին պատկերացում կազմել Հայաստանում վերջին տասնամյակում հուշարձաններում իրականացված վերականգնողական աշխատանքների մասին:

Ամփոփ ներկայացվել են նաև «Տարածաշրջանային համագործակցություն հանուն մշակութային ժառանգության պահպանության» նախագծի շրջանակում «Էրեբունի» արգելոց-թանգարանի աջակցությամբ 2012թ. սեպտեմբեր-հոկտեմբեր ամիսներին  դպրոցների աշակերտների համար 10,  դպրոցների ուսուցիչների և  ՏԻՄ մարմինների ներկայացուցիչների համար անցկացված 4-ական սեմինարներն ու դրանց արդյունքները:

Սեմինարի մասնակիցները կարևորել են յուրաքանչյուր երկրում ազգային քաղաքականության կառուցվածքը` հայեցակարգը, արժևորման համակարգը, ինստիտուցիոնալ և օրենսդրական շրջանակը և ռազմավարությունները /պահպանության ստանդարտներ, հասարակական մասնակցություն, ֆինանսական ռեսուրսներ/:

Այցելություն Էրեբունի

Որմնանկարներ

Image 1

Վազող նժույգ
Էրեբունի, մ.թ.ա. 8դ.

Գտածոներ

Image 2

Բրոնզե թաս
Արգիշտի Ա-ի արձանագրությամբ
Կարմիր բլուր, մ.թ.ա. 8դ.

Ոսկերչություն

Image

Ոսկե մատանի
Կարմիր բլուր, մ.թ.ա. 8դ.

Խեցեղեն

Image 2

Ցլագլուխ
Ծիսական անոթ
Երևանի բիայնական դամբարան, մ.թ.ա. 8-7դդ.

Հուշանվերների կրպակ

 

Erebuni

Էրեբունի թանգարանի հուշանվերների կրպակում Դուք կարող եք ձեռք բերել թանգարանային հավաքածուից ընտրված առարկաների կրկնօրինակներ և դրանց պատկերների օգտագործմամբ ստեղծված մշակութային արտադրանքներ:

Հուշամատյան. պատառներ

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի


Guest Book