gototopgototop
  1. Skip to Menu
  2. Skip to Content
  3. Skip to Footer>

Էրեբունի. այստեղից է սկսվում Երևանը

City

«Էրեբունի» պատմահնագիտական արգելոց-թանգարանը ստեղծվել է որպես Երևանի հիմնադրման պատմության «Էրեբունի» թանգարան` ՀՀ Կառավարության 1968 թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից` Արին բերդից, Կարմիր բլուրից և Շենգավիթից հայտնաբերված գտածոները:

Արգելոց-թանգարանը գործում է իր կանոնադրության հիման վրա` իրականացնելով գիտալուսավորչական, գիտատեղեկատվական և մշակութային գործունեություն:

Էրեբունի. այստեղից է սկսվում Երևանը

Woman

Արգելոց-թանգարանի գործունեության նպատակը մշակութային արժեք ներկայացնող նշյալ անշարժ հուշարձանների ուսումնասիրման, պահպանման, հանրահռչակման, օգտագործման, ինչպես նաև հուշարձանախմբերի, հուշարձանների համալիրների պատմական միջավայրի և դրան հարող տեղանքապատկերների (լանդշաֆտ) ամբողջական պահպանության ապահովումն է, այդ և այլ հուշարձաններից հայտնաբերված թանգարանային առարկաների և հավաքածուների հաշվառումը, թանգարանային հավաքածուի անխաթար և ամբողջական պահպանության ապահովումը:

Էրեբունի. այստեղից է սկսվում Երևանը

New York

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի

Էրեբունի. այստեղից է սկսվում Երևանը

Chess

Հանրության առջև թանգարանն իր դռները բացել է 1968թ. հոկտեմբերի 19-ին` ի նշանավորումն Երևան քաղաքի 2750-րդ տարեդարձի: ՀՀ Կառավարության 2003թ. մարտի 7-ի N 313-Ն որոշմամբ վերանվանվել է «Էրեբունի» պատմահնագիտական արգելոց-թանգարան` «Կարմիր բլուր» և «Շենգավիթ» մասնաճյուղերով:

Հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն` տարածաշրջանում:

Էրեբունի. այստեղից է սկսվում Երևանը

City

Կազմավորման փուլում թանգարանը բաղկացած էր վարչական մասից, հնագիտության սեկտորից (1 ֆոնդապահ) , մասնաճյուղ թանգարաններից և մասսայական բաժիններից: 1979թ. կազմակերպվել են գիտահետազոտական, ֆոնդերի հաշվառման և պահպանման բաժինները, ավելի ուշ` նաև գիտա-վերականգնողական լաբորատորիան:
ՀՀ Կառավարության 2010 թ. օգոստոսի 19-ի N1047 որոշմամբ «Էրեբունի» պատմահնագիտական արգելոց թանգարանը ՀՀ մշակույթի նախարարության ենթակայությունից անցել է Երևանի քաղաքապետարանին:

Հայ-ֆրանսիական հնագիտական արշավախումբն ամփոփեց Էրեբունի ամրոցում իրականացվող պեղումների 6-րդ գործաշրջանը

PDF Տպել

images/excavations300713.jpg

30.07.2013

2008 թվականից Էրեբունի ամրոցում իրականացվող պեղումների 6-րդ փուլն այսօր  ամփոփեց  Էրեբունիի հայ-ֆրանսիական հնագիտական արշավախումբը: Պեղումների այս փուլի ավարտը նշանավորվեց ՀՀ-ում Ֆրանսիայի արտակարգ և լիազոր Անրի Ռոնոյի, Հնագիտական միջգերատեսչական հանձնաժողովի նախագահ, ՀՀ մշակույթի նախարարի տեղակալ Արև Սամուելյանի և Երևանի քաղաքապետի տեղակալ Արամ Սուքիասյանի այցով Էրեբունի ամրոցի միջնաբերդ:

Արգելոց-թանգարանի տնօրեն Գ. Գյուրջյանի ուղեկցությամբ հյուրերը շրջեցին պեղումների հրապարակով, ունկնդրեցին արշավախմբերի ղեկավարներ Ստեֆան Դեշամպի /Ֆրանսիա/ և Աննա Ազիզյանի /Հայաստան/ մեկնաբանությունները և հիմնավորումները: Ֆրանսիական արշավախմբի ղեկավար Ստ. Դեշամպը, ներկայացնելով պեղումներով բացված ուրարտական փողոցը, կատակով նկատեց, որ բարձրաստիճան այցելուները այս պահին քայլում են Երևանի թերևս ամենահին փողոցով:

Տպավորիչ շրջայցին հետևեց արշավախմբերի մամուլի ասուլիսը, որին մասնակցեց նաև ՀՀ ԳԱԱ Հնագիտության և ազգագրության ինստիտուտի տնօրեն Պավել Ավետիսյանը:

Հանդես գալով հակիրճ խոսքով` Երևանի փոխքաղաքապետ Արամ Սուքիասյանը վերահաստատեց Էրեբունի ամրոցն այցելուին նորովի ներկայացնելու Երևանի քաղաքապետարանի կամքը:

Էրեբունի ամրոցի պեղումների 6-րդ փուլը մեկնարկել է 2013թ. հուլիսի 2-ից: Առաջիկա ամսին պեղումների հրապարակը կծածկվի հողով` մինչ պեղումների 7-րդ փուլը: Հայ-ֆրանսիական համատեղ պեղումները Էրեբունիում կշարունակվեն մինչև 2015 թվականը:

Այցելություն Էրեբունի

Որմնանկարներ

Image 1

Վազող նժույգ
Էրեբունի, մ.թ.ա. 8դ.

Գտածոներ

Image 2

Բրոնզե թաս
Արգիշտի Ա-ի արձանագրությամբ
Կարմիր բլուր, մ.թ.ա. 8դ.

Ոսկերչություն

Image

Ոսկե մատանի
Կարմիր բլուր, մ.թ.ա. 8դ.

Խեցեղեն

Image 2

Ցլագլուխ
Ծիսական անոթ
Երևանի բիայնական դամբարան, մ.թ.ա. 8-7դդ.

Հուշանվերների կրպակ

 

Erebuni

Էրեբունի թանգարանի հուշանվերների կրպակում Դուք կարող եք ձեռք բերել թանգարանային հավաքածուից ընտրված առարկաների կրկնօրինակներ և դրանց պատկերների օգտագործմամբ ստեղծված մշակութային արտադրանքներ:

Հուշամատյան. պատառներ

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի


Guest Book