gototopgototop
  1. Skip to Menu
  2. Skip to Content
  3. Skip to Footer>

Էրեբունի. այստեղից է սկսվում Երևանը

City

«Էրեբունի» պատմահնագիտական արգելոց-թանգարանը ստեղծվել է որպես Երևանի հիմնադրման պատմության «Էրեբունի» թանգարան` ՀՀ Կառավարության 1968 թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից` Արին բերդից, Կարմիր բլուրից և Շենգավիթից հայտնաբերված գտածոները:

Արգելոց-թանգարանը գործում է իր կանոնադրության հիման վրա` իրականացնելով գիտալուսավորչական, գիտատեղեկատվական և մշակութային գործունեություն:

Էրեբունի. այստեղից է սկսվում Երևանը

Woman

Արգելոց-թանգարանի գործունեության նպատակը մշակութային արժեք ներկայացնող նշյալ անշարժ հուշարձանների ուսումնասիրման, պահպանման, հանրահռչակման, օգտագործման, ինչպես նաև հուշարձանախմբերի, հուշարձանների համալիրների պատմական միջավայրի և դրան հարող տեղանքապատկերների (լանդշաֆտ) ամբողջական պահպանության ապահովումն է, այդ և այլ հուշարձաններից հայտնաբերված թանգարանային առարկաների և հավաքածուների հաշվառումը, թանգարանային հավաքածուի անխաթար և ամբողջական պահպանության ապահովումը:

Էրեբունի. այստեղից է սկսվում Երևանը

New York

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի

Էրեբունի. այստեղից է սկսվում Երևանը

Chess

Հանրության առջև թանգարանն իր դռները բացել է 1968թ. հոկտեմբերի 19-ին` ի նշանավորումն Երևան քաղաքի 2750-րդ տարեդարձի: ՀՀ Կառավարության 2003թ. մարտի 7-ի N 313-Ն որոշմամբ վերանվանվել է «Էրեբունի» պատմահնագիտական արգելոց-թանգարան` «Կարմիր բլուր» և «Շենգավիթ» մասնաճյուղերով:

Հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն` տարածաշրջանում:

Էրեբունի. այստեղից է սկսվում Երևանը

City

Կազմավորման փուլում թանգարանը բաղկացած էր վարչական մասից, հնագիտության սեկտորից (1 ֆոնդապահ) , մասնաճյուղ թանգարաններից և մասսայական բաժիններից: 1979թ. կազմակերպվել են գիտահետազոտական, ֆոնդերի հաշվառման և պահպանման բաժինները, ավելի ուշ` նաև գիտա-վերականգնողական լաբորատորիան:
ՀՀ Կառավարության 2010 թ. օգոստոսի 19-ի N1047 որոշմամբ «Էրեբունի» պատմահնագիտական արգելոց թանգարանը ՀՀ մշակույթի նախարարության ենթակայությունից անցել է Երևանի քաղաքապետարանին:

Մաեստրո Հովհ. Չեքիջյանի տարեդարձը Էրեբունիում

PDF Տպել

images/cheqijyan85.jpg

26.11.2013

Այսօր  մայրաքաղաք Երևանի օրրանում` <<Էրեբունի>> պատմահնագիտական արգելոց-թանգարանից մեկնարկեց մաեստրո Հովհաննես Չեքիջյանի ծննդյան 85-րդ տարեդարձին նվիրված միջոցառումների շարքը:

Մեծանուն խմբավարի հետ հանդիպման առիթով արգելոց-թանգարանն իր հարկի ներքո էր հյուրընկալել Հայաստանի մշակութային ժառանգության պահպանության պատասխանատուների և մասնագետների, ովքեր եկել էին իրենց սրտի խոսքը փոխանցելու վաստակաշատ գործչին, մեծ պրոֆեսիոնալին և առաքինի քաղաքացուն:

Բացելով մեծարման միջոցառումը` արգելոց-թանգարանի տնօրեն Գ. Գյուրջյանը մասնավորապես ընդգծեց, որ եթե արդեն մեկ տասնամյակ է, ինչ աշխարհը կատարողական վարպետությունները  դիտարկում է որպես ոչ-նյութական ժառանգություն և կոչ է անում դրանք պահպանել ու փոխանցել ապագա սերունդներին, ապա Հովհ. Չեքիջյանն արդեն կես դար շարունակ ստանձնել է այդ բարձր առաքելությունը`Հայաստանի կապելլան հաստատապես տեղավորելով մեր մշակույթի ազգային գանձարանում:

Դաշնակահար Միքայել Գաբրիելյանի կատարումների ուղեկցությամբ ներկաները դիտեցին <<Մեր ժամանակի հերոսը>> խորագիրը կրող տեսաշարը` պատրաստված արգելոց-թանգարանի և <<Ֆոտոլուր>> գործակալության գործընկերությամբ: Այն ներկայացնում էր մաեստրոյի լուսանկարների ընտրանին` ներառելով նաև արխիվային լուսանկարներ Նեմրութի արխիվից:  Շատ լուսանկարներ անակնկալի բերեցին մաեստրոյին և նա փորձեց ներկաների համար մեկնաբանել դրանք:

Մաեստրոյին ողջունեցին և բարեմաղթանքներ հղեցին ՀՀ մշակույթի նախարարության ժամանակակից արվեստի վարչության պետ Ս. Գեղամյանը, Պատմության և մշակույթի հուշարձանների պահպանության գործակալության պետ Ա. Աբրոյանը, ՀՀ ԳԱԱ Գրականության ինստիտուտի տնօրեն Ա. Իսահակյանը, Արվեստի ինստիտուտի փոխտնօրեն Ա. Ասատրյանը, Հնագիտության և ազգագրության ինստիտուտի փոխտնօրեն Գ. Սարգսյանը, Պատմամշակութային ժառանգության գիտահետազոտական կենտրոնի տնօրեն Հ. Սիմոնյանը, Հայաստանի երաժշտագիտական գրադարանի տնօրեն Գ. Նահատակյանը, <<Արվեստների պատկերասրահ>> հիմնադրամի նախագահ Մ. Շահինյանը:  Բոլոր ելույթ ունեցողները նշեցին, որ Հովհ. Չեքիջյանի աշխատանքի և նվիրումի շնորհիվ Հայաստանի ակադեմիական երգչախումբը դարձավ միասնականության և կարգապահության օրինակ:  Հայաստանի ակադեմիական երգչախմբից ներկա երգիչ-երգչուհիները կատարեցին Երևանի օրհներգը` <<Էրեբունի-Երևանը>>` այն նվիրելով մաեստրոյին, ով նաև Երևանի պատվավոր քաղաքացի է:

Միջոցառման կազմակերպիչներին և ներկաներին ուղղված իր  շնորհակալական խոսքում հայ երգչախմբային արվեստի մեծանուն երախտավորը ասաց հետևյալը` <<Շնորհակալ եմ աստծուց, որ ինձ շնորհել է ունակություններ, որոնցով ես կարողացել եմ բարձրացնել իմ հայրենիքը: Ես հարուստ ու երջանիկ եմ` իմ հայրենիքին ծառայելով>>:

Այցելություն Էրեբունի

Որմնանկարներ

Image 1

Վազող նժույգ
Էրեբունի, մ.թ.ա. 8դ.

Գտածոներ

Image 2

Բրոնզե թաս
Արգիշտի Ա-ի արձանագրությամբ
Կարմիր բլուր, մ.թ.ա. 8դ.

Ոսկերչություն

Image

Ոսկե մատանի
Կարմիր բլուր, մ.թ.ա. 8դ.

Խեցեղեն

Image 2

Ցլագլուխ
Ծիսական անոթ
Երևանի բիայնական դամբարան, մ.թ.ա. 8-7դդ.

Հուշանվերների կրպակ

 

Erebuni

Էրեբունի թանգարանի հուշանվերների կրպակում Դուք կարող եք ձեռք բերել թանգարանային հավաքածուից ընտրված առարկաների կրկնօրինակներ և դրանց պատկերների օգտագործմամբ ստեղծված մշակութային արտադրանքներ:

Հուշամատյան. պատառներ

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի


Guest Book