gototopgototop
  1. Skip to Menu
  2. Skip to Content
  3. Skip to Footer>

Էրեբունի. այստեղից է սկսվում Երևանը

City

«Էրեբունի» պատմահնագիտական արգելոց-թանգարանը ստեղծվել է որպես Երևանի հիմնադրման պատմության «Էրեբունի» թանգարան` ՀՀ Կառավարության 1968 թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից` Արին բերդից, Կարմիր բլուրից և Շենգավիթից հայտնաբերված գտածոները:

Արգելոց-թանգարանը գործում է իր կանոնադրության հիման վրա` իրականացնելով գիտալուսավորչական, գիտատեղեկատվական և մշակութային գործունեություն:

Էրեբունի. այստեղից է սկսվում Երևանը

Woman

Արգելոց-թանգարանի գործունեության նպատակը մշակութային արժեք ներկայացնող նշյալ անշարժ հուշարձանների ուսումնասիրման, պահպանման, հանրահռչակման, օգտագործման, ինչպես նաև հուշարձանախմբերի, հուշարձանների համալիրների պատմական միջավայրի և դրան հարող տեղանքապատկերների (լանդշաֆտ) ամբողջական պահպանության ապահովումն է, այդ և այլ հուշարձաններից հայտնաբերված թանգարանային առարկաների և հավաքածուների հաշվառումը, թանգարանային հավաքածուի անխաթար և ամբողջական պահպանության ապահովումը:

Էրեբունի. այստեղից է սկսվում Երևանը

New York

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի

Էրեբունի. այստեղից է սկսվում Երևանը

Chess

Հանրության առջև թանգարանն իր դռները բացել է 1968թ. հոկտեմբերի 19-ին` ի նշանավորումն Երևան քաղաքի 2750-րդ տարեդարձի: ՀՀ Կառավարության 2003թ. մարտի 7-ի N 313-Ն որոշմամբ վերանվանվել է «Էրեբունի» պատմահնագիտական արգելոց-թանգարան` «Կարմիր բլուր» և «Շենգավիթ» մասնաճյուղերով:

Հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն` տարածաշրջանում:

Էրեբունի. այստեղից է սկսվում Երևանը

City

Կազմավորման փուլում թանգարանը բաղկացած էր վարչական մասից, հնագիտության սեկտորից (1 ֆոնդապահ) , մասնաճյուղ թանգարաններից և մասսայական բաժիններից: 1979թ. կազմակերպվել են գիտահետազոտական, ֆոնդերի հաշվառման և պահպանման բաժինները, ավելի ուշ` նաև գիտա-վերականգնողական լաբորատորիան:
ՀՀ Կառավարության 2010 թ. օգոստոսի 19-ի N1047 որոշմամբ «Էրեբունի» պատմահնագիտական արգելոց թանգարանը ՀՀ մշակույթի նախարարության ենթակայությունից անցել է Երևանի քաղաքապետարանին:

<<Էրեբունի>> արգելոց-թանգարան – 45 տարի անց

PDF Տպել

images/erebuni45.jpg

12.12.2013

Վաղը` դեկտեմբերի 13-ին, <<Էրեբունի>> արգելոց-թանգարանը աշխատանքային տարին կամփոփի հանդիսավոր միջոցառմամբ, որը կկրի <<Էրեբունի 45>> անվանումը: 45 տարի առաջ ներկայանալով մեր հասարակությանը` Էրեբունի հնավայրն ու թանգարանը  դարձան Հայաստանի և մասնավորապես Երևան քաղաքի պատմության ուշագրավ մի դրվագ` հասանելի ոչ միայն գիտական, այլ նաև լայն հանրությանը:

Էրեբունի քաղաք-ամրոցի վերականգնումը և արգելոց-թանգարանի ստեղծումը խորհրդային տարածքում  դարձան եզակի երևույթ, ինչը թույլ տվեց միջազգային հարթակներում խորհրդային տարածքը համեմատել Եգիպտոսի, Բաբելոնի, Աթենքի և այլ հին քաղաքակրթությունների հետ:  <<Էրեբունի>> արգելոց-թանգարանի ստեղծումը դարձավ արժանապատվորեն ներկայանալու ամբիցիա ոչ միայն երևանցիների, այլ նաև աշխարհասփյուռ հայության համար:

1968թ. հոկտեմբերի 19-ին իր դռնելը բացելով հանրության առջև` Էրեբունին սկսեց իր այցելուին Երևանը ներկայացնել որպես աշխարհի հնագույն մայրաքաղաք, որը հիմնադրվել էր 2750 տարի առաջ: Երևան-2750-ի հանդիսություններն այնքան անմոռանալի էին, որ Էրեբունի-Երևանը դարձավ քաղաքի ամենամյա տոն:

Արդեն 45 տարի շարունակ <<Էրեբունի>> արգելոց-թանգարանը անում է ամեն ինչ`  անցյալը ճանաչելի դարձնելու, ներկայի նկատմամբ ուշադրությունը խթանելու և ապագայի նկատմամբ պատվախնդիր լինելու ուղղությամբ:  2013-ը ամփոփելով  իր հիմնադրման 45-րդ տարեդարձին նվիրված միջոցառմամբ, արգելոց-թանգարանը նպատակ է հետապնդում  անցած ուղին ներկայացնել նոր ծրագրերի համատեքստում` Երևանի հիմնադրման 2800 ամյակին ընդառաջ: Արգելոց-թանգարանն ակնկալում է, որ 2018-ի  հանդիսությունների առանցքում կդրվի հնավայրի նոր կերպարը և թանգարանի նոր ցուցադրությունը:

<<Էրեբունի 45>> միջոցառումը ոչ միայն  անդրադարձ է հնավայրի ու թանգարանի բացմանը, այլ նաև, նոր ընկալումների համատեքստում` այս եզակի հնագիտական հուշարձանի տևական պահպանության և ապագայի  ամրագրում: Միջոցառման շրջանակում կներկայացվի նաև <<Էրեբունի 45>> արխիվային լուսանկարների ալբոմը` որպես երախտիքի խորհրդանշան բոլոր այն մարդկանց, բարձրաստիճան պաշտոնյայից մինչև թանգարանի ցուցանմուշների պահապան, ովքեր,  իրենց աշխատանքով մեր քաղաքին նվիրեցին և ապագա սերունդներին կտակեցին այս եզակի ժառանգությունը:

Միջոցառումը տեղի կունենա 2013թ. դեկտեմբերի 13-ին ժամը` 14:00-ին, Էրեբունի թանգարանում ( ք.Երևան, Էրեբունի 38, հեռ. +374 10 43-26-61):

Այցելություն Էրեբունի

Որմնանկարներ

Image 1

Վազող նժույգ
Էրեբունի, մ.թ.ա. 8դ.

Գտածոներ

Image 2

Բրոնզե թաս
Արգիշտի Ա-ի արձանագրությամբ
Կարմիր բլուր, մ.թ.ա. 8դ.

Ոսկերչություն

Image

Ոսկե մատանի
Կարմիր բլուր, մ.թ.ա. 8դ.

Խեցեղեն

Image 2

Ցլագլուխ
Ծիսական անոթ
Երևանի բիայնական դամբարան, մ.թ.ա. 8-7դդ.

Հուշանվերների կրպակ

 

Erebuni

Էրեբունի թանգարանի հուշանվերների կրպակում Դուք կարող եք ձեռք բերել թանգարանային հավաքածուից ընտրված առարկաների կրկնօրինակներ և դրանց պատկերների օգտագործմամբ ստեղծված մշակութային արտադրանքներ:

Հուշամատյան. պատառներ

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի


Guest Book