gototopgototop
  1. Skip to Menu
  2. Skip to Content
  3. Skip to Footer>

Էրեբունի. այստեղից է սկսվում Երևանը

City

«Էրեբունի» պատմահնագիտական արգելոց-թանգարանը ստեղծվել է որպես Երևանի հիմնադրման պատմության «Էրեբունի» թանգարան` ՀՀ Կառավարության 1968 թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից` Արին բերդից, Կարմիր բլուրից և Շենգավիթից հայտնաբերված գտածոները:

Արգելոց-թանգարանը գործում է իր կանոնադրության հիման վրա` իրականացնելով գիտալուսավորչական, գիտատեղեկատվական և մշակութային գործունեություն:

Էրեբունի. այստեղից է սկսվում Երևանը

Woman

Արգելոց-թանգարանի գործունեության նպատակը մշակութային արժեք ներկայացնող նշյալ անշարժ հուշարձանների ուսումնասիրման, պահպանման, հանրահռչակման, օգտագործման, ինչպես նաև հուշարձանախմբերի, հուշարձանների համալիրների պատմական միջավայրի և դրան հարող տեղանքապատկերների (լանդշաֆտ) ամբողջական պահպանության ապահովումն է, այդ և այլ հուշարձաններից հայտնաբերված թանգարանային առարկաների և հավաքածուների հաշվառումը, թանգարանային հավաքածուի անխաթար և ամբողջական պահպանության ապահովումը:

Էրեբունի. այստեղից է սկսվում Երևանը

New York

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի

Էրեբունի. այստեղից է սկսվում Երևանը

Chess

Հանրության առջև թանգարանն իր դռները բացել է 1968թ. հոկտեմբերի 19-ին` ի նշանավորումն Երևան քաղաքի 2750-րդ տարեդարձի: ՀՀ Կառավարության 2003թ. մարտի 7-ի N 313-Ն որոշմամբ վերանվանվել է «Էրեբունի» պատմահնագիտական արգելոց-թանգարան` «Կարմիր բլուր» և «Շենգավիթ» մասնաճյուղերով:

Հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն` տարածաշրջանում:

Էրեբունի. այստեղից է սկսվում Երևանը

City

Կազմավորման փուլում թանգարանը բաղկացած էր վարչական մասից, հնագիտության սեկտորից (1 ֆոնդապահ) , մասնաճյուղ թանգարաններից և մասսայական բաժիններից: 1979թ. կազմակերպվել են գիտահետազոտական, ֆոնդերի հաշվառման և պահպանման բաժինները, ավելի ուշ` նաև գիտա-վերականգնողական լաբորատորիան:
ՀՀ Կառավարության 2010 թ. օգոստոսի 19-ի N1047 որոշմամբ «Էրեբունի» պատմահնագիտական արգելոց թանգարանը ՀՀ մշակույթի նախարարության ենթակայությունից անցել է Երևանի քաղաքապետարանին:

<<Էրեբունի>> արգելոց-թանգարանն ամփոփեց աշխատանքային տարին

PDF Տպել

images/erebuni45gyurjyan.jpg

13.12.2013

Այսօր <<Էրեբունի>> արգելոց-թանգարանն ամփոփեց աշխատանքային տարին` գործընկերների ու բազմաթիվ հյուրերի հետ նշելով արգելոց-թանգարանի հիմնադրման 45-րդ տարեդարձը:

<<Էրեբունի. 45 տարի անց>> խորագրի ներքո  արգելոց-թանգարանում էին հավաքվել մտավորականներ, ժառանգության պահապաններ, ՀՀ մշակույթի նախարարության և Երևանի քաղաքապետարանի պաշտոնյաներ, Երևանի պատվավոր քաղաքացիներ, արգելոց-թանգարանի բոլոր տնօրենները, նախկին աշխատակիցներ:

<<Էրեբունի>> արգելոց-թանգարանի 45-ամյա աշխատակազմին շնորհավորական ուղերձներ էին հղել ՀՀ վարչապետ Տ. Սարգսյանը և Երևանի քաղաքապետ Տ. Մարգարյանը:  ՀՀ վարչապետի ուղերձում մասնավորապես ասված էր. <<Արդեն 4 տասնամակ և ավելի  տարիներ, դուք  արժանապատվորեն մեր հասարակությանն ու հանրապետության հյուրերին եք ներկայացնում մեր քաղաքի ծնունդը, ամրապնդում երևանցու պատմական հիշողությունը, հոգ տանում և մշտական խնամք ապահովում, որ ժամանակակից Երևանի քաղաքաշինական հյուսվածքում Էրեբունի-քաղաք ամրոցը չկորցնի իր իսկությունը և անբաժանելի լինի մայրաքաղաքի դիմագծից>>:

Բացելով միջոցառումը` արգելոց-թանգարանի տնօրեն Գ. Գյուրջյանը ընդգծեց, որ այս նախաձեռնությունը  երախտագիտության արտահայտություն է ուղղված բոլոր նրանց, ովքեր իրենց իրավասությունների սահմանում նպաստել են ժառանգության այս եզակի օրինակի` Էրեբունի ամրոցի և թանգարանի պահպանությանն ու կայացմանը:  Նա նաև ընդգծեց, որ <<գիտական բովանդակությունից զատ հնագիտական ժառանգությունը իր մեջ նաև ուղերձներ է կրում, իսկ Էրեբունիի գլխավոր ուղերձը մեր քաղաքի տարիքն է: Այսինքն` Էրեբունին մեր հանրապետության և աշխարհասփյուռ հայության համար ապահովում է հավաքական հպարտություն>>:

Խոսելով արդի խնդիրներից` Գ. Գյուրջյանը նշել է, որ այսօր պահպանելով թանգարանի դասական կերպը` արգելոց-թանգարանը փորձում է նաև հասարակությանը ներկայանալ որպես և մշակութային, և գիտական, և ժամանցային, և կրթական և զբոսաշրջային վայր, ինչը, սակայն,  45 տարի առաջ իրականացված վերականգնումներով և 30 տարվա վաղեմության ցուցադրությամբ դժվար է ապահովել: Նա նաև շեշտել է, որ անհրաժեշտ է այսօրվանից մտորել, թե ինչպես ներկայանալ Երևանի 2800 և արգելոց-թանգարանի հիմնադրման 50-ամյակներին:

Ժառանգության պահպանության բնագավառում երկարամյա աշխատանքային գործունեության  և արգելոց-թանգարանի 45-րդ տարեդարձի առթիվ թանգարանի 1-ին տնօրեն Սուրեն Նարիմանյանը, ով նաև ներկա էր միջոցառմանը, պարգևատրվեց է ՀՀ մշակույթի նախարարության Ոսկե մեդալով: Իր շնորհակալական խոսքում Ս. Նարիմանյանը ասաց հետևյալը. <<Շնորհակալություն արգելոց-թանգարանին, որ պատվախնդրորեն անում է այն, ինչ ես չեմ հասցրել իրագործել >>:

Տարեդարձի առթիվ <<Էրեբունի>> արգելոց-թանգարանը հրատարակել էր 1968թ. հոկտեմբերի19-ին բացված հնավայրի ու թանգարանի արխիվային լուսանկարների ալբոմ, ուր զետեղվել են նաև պատառիկներ` արգելոց-թանգարանի պատվավոր հյուրերի գրառումներից:

Այցելություն Էրեբունի

Որմնանկարներ

Image 1

Վազող նժույգ
Էրեբունի, մ.թ.ա. 8դ.

Գտածոներ

Image 2

Բրոնզե թաս
Արգիշտի Ա-ի արձանագրությամբ
Կարմիր բլուր, մ.թ.ա. 8դ.

Ոսկերչություն

Image

Ոսկե մատանի
Կարմիր բլուր, մ.թ.ա. 8դ.

Խեցեղեն

Image 2

Ցլագլուխ
Ծիսական անոթ
Երևանի բիայնական դամբարան, մ.թ.ա. 8-7դդ.

Հուշանվերների կրպակ

 

Erebuni

Էրեբունի թանգարանի հուշանվերների կրպակում Դուք կարող եք ձեռք բերել թանգարանային հավաքածուից ընտրված առարկաների կրկնօրինակներ և դրանց պատկերների օգտագործմամբ ստեղծված մշակութային արտադրանքներ:

Հուշամատյան. պատառներ

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի


Guest Book