gototopgototop
  1. Skip to Menu
  2. Skip to Content
  3. Skip to Footer>

Էրեբունի. այստեղից է սկսվում Երևանը

City

«Էրեբունի» պատմահնագիտական արգելոց-թանգարանը ստեղծվել է որպես Երևանի հիմնադրման պատմության «Էրեբունի» թանգարան` ՀՀ Կառավարության 1968 թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից` Արին բերդից, Կարմիր բլուրից և Շենգավիթից հայտնաբերված գտածոները:

Արգելոց-թանգարանը գործում է իր կանոնադրության հիման վրա` իրականացնելով գիտալուսավորչական, գիտատեղեկատվական և մշակութային գործունեություն:

Էրեբունի. այստեղից է սկսվում Երևանը

Woman

Արգելոց-թանգարանի գործունեության նպատակը մշակութային արժեք ներկայացնող նշյալ անշարժ հուշարձանների ուսումնասիրման, պահպանման, հանրահռչակման, օգտագործման, ինչպես նաև հուշարձանախմբերի, հուշարձանների համալիրների պատմական միջավայրի և դրան հարող տեղանքապատկերների (լանդշաֆտ) ամբողջական պահպանության ապահովումն է, այդ և այլ հուշարձաններից հայտնաբերված թանգարանային առարկաների և հավաքածուների հաշվառումը, թանգարանային հավաքածուի անխաթար և ամբողջական պահպանության ապահովումը:

Էրեբունի. այստեղից է սկսվում Երևանը

New York

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի

Էրեբունի. այստեղից է սկսվում Երևանը

Chess

Հանրության առջև թանգարանն իր դռները բացել է 1968թ. հոկտեմբերի 19-ին` ի նշանավորումն Երևան քաղաքի 2750-րդ տարեդարձի: ՀՀ Կառավարության 2003թ. մարտի 7-ի N 313-Ն որոշմամբ վերանվանվել է «Էրեբունի» պատմահնագիտական արգելոց-թանգարան` «Կարմիր բլուր» և «Շենգավիթ» մասնաճյուղերով:

Հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն` տարածաշրջանում:

Էրեբունի. այստեղից է սկսվում Երևանը

City

Կազմավորման փուլում թանգարանը բաղկացած էր վարչական մասից, հնագիտության սեկտորից (1 ֆոնդապահ) , մասնաճյուղ թանգարաններից և մասսայական բաժիններից: 1979թ. կազմակերպվել են գիտահետազոտական, ֆոնդերի հաշվառման և պահպանման բաժինները, ավելի ուշ` նաև գիտա-վերականգնողական լաբորատորիան:
ՀՀ Կառավարության 2010 թ. օգոստոսի 19-ի N1047 որոշմամբ «Էրեբունի» պատմահնագիտական արգելոց թանգարանը ՀՀ մշակույթի նախարարության ենթակայությունից անցել է Երևանի քաղաքապետարանին:

Հյուրեր <<Սմիթսոնյան թանգարաններ>> հաստատությունից

PDF Տպել

images/smitsonyanmuseum040414.jpg

04.04.2014

Աշխատանքային այցով Երևանում գտնվող աշխարհահռչակ <<Սմիթսոնյան թանգարաններ>> հասատատության  մի խումբ պատասխանատուներ` Արտաքին կապերի գրասենյակի գլխ. խորհրդական Հ. Բութվինը, Ֆոլկ փառատոնի տնօրեն Ս. Լին Մոթլեյը,  SOLOMAR կազմակերպության փոխնախագահ Ս. Ջոնսը

և Ամերիկյան հնդկացիների ազգային թանգարանի կրթական ծրագրերի տնօրենի օգնական Կ.Ռափկիևյանը, այսօր  այցելել են   <<Էրեբունի>> արգելոց-թանգարան և հանդիպում ունեցել  արգելոց-թանգարանի տնօրեն Գ. Գյուրջյանի հետ:

Թանգարանի մշտական ցուցադրությանը,  ամրոցի միջնաբերդին և <<Պատանի հնագետ>> դպրոցի ուսումնական հնավայրին ծանոթանալուց հետո, հյուրերը հետաքրքրվել են արգելոց-թանգարանի առաջիկա վերականգնողական, կրթական և հանրությանը մատուցվող ծառայությունների բարելավման ծրագրերով, արգելոց-թանգարանի կառուցվածքային ստորաբաժանումներով և կադրերով:

Ուրարտական խոհանոցը վերականգնելու և հանրությանը ներկայացնելու Էրեբունի թանգարանի մտադրության համատեքստում  հայազգի Կ. Ռափկիևյանը ներկայացրել է Ամերիկյան հնդկացիների ազգային թանգարանի մշակութային մի համանման ծրագրի մանրամասներ, որի շրջանակում այցելուն կարողանում է համտեսել և պատկերացում կազմել ոչ նյութական մշակույթի այդ կարևոր տարրերի մասին:

Սմիթսոնյան հաստատությունը գիտահետազոտական կառույց է, որը հիմնադրվել է 1846թ.` ամերիկյան կառավարության կողմից: Հաստատությունն ունի հրատարակչական, թանգարանագիտական, մանկավարժական և կրթական գործառույթներ: Այսօր Սմիթսոնյան ինտիտուտ անվամբ հայտնի հաստատությունը իր կառուցվածքում ներառում է 19 թանգարաններ, 9 գիտահետազոտական կենտրոններ, որոնք հիմնականում տեղակայված են Վաշինգտոնում և կառավարվում են հիմնադրի` Ամերիկյան դաշնային կառավարության կողմից: Այդ 19 թանգարանները տնօրինում են 142 մլն. թանգարանային առարկաների: Ինստիտուտը թողարկում է ամսագիր, որը ևս կոչվում է Սմիթսոնյան: Սմիթսոնյան հաստատության հիմնադրման մտահղացումը բրիտանացի գիտնական Ջեյմս Սմիթսոնին է, որի անունով էլ հաստատությունը կոչվում է:

Սմիթսոնյան ինստիտուտի կազմում ներառված թանգարաններից են` Աֆրիկյան արվեստի ազգային թանգարանը, Ամերիկյան արվեստի թանգարանը, Ազգային կենդանաբանական այգին, Ամերիկյան հնդկացիների թանգարանը, Դիզայնի ազգային թանգարանը և այլն: Ներկայումս հաստատության կողմից իրականացվող ամենամեծ ծրագիրը <<Կյանքի հանրագիտարան>> նախագիծն է` ուղղված կենսաբազմազանության խրախուսմանը:

Այցելություն Էրեբունի

Որմնանկարներ

Image 1

Վազող նժույգ
Էրեբունի, մ.թ.ա. 8դ.

Գտածոներ

Image 2

Բրոնզե թաս
Արգիշտի Ա-ի արձանագրությամբ
Կարմիր բլուր, մ.թ.ա. 8դ.

Ոսկերչություն

Image

Ոսկե մատանի
Կարմիր բլուր, մ.թ.ա. 8դ.

Խեցեղեն

Image 2

Ցլագլուխ
Ծիսական անոթ
Երևանի բիայնական դամբարան, մ.թ.ա. 8-7դդ.

Հուշանվերների կրպակ

 

Erebuni

Էրեբունի թանգարանի հուշանվերների կրպակում Դուք կարող եք ձեռք բերել թանգարանային հավաքածուից ընտրված առարկաների կրկնօրինակներ և դրանց պատկերների օգտագործմամբ ստեղծված մշակութային արտադրանքներ:

Հուշամատյան. պատառներ

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի


Guest Book