gototopgototop
  1. Skip to Menu
  2. Skip to Content
  3. Skip to Footer>

Էրեբունի. այստեղից է սկսվում Երևանը

City

«Էրեբունի» պատմահնագիտական արգելոց-թանգարանը ստեղծվել է որպես Երևանի հիմնադրման պատմության «Էրեբունի» թանգարան` ՀՀ Կառավարության 1968 թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից` Արին բերդից, Կարմիր բլուրից և Շենգավիթից հայտնաբերված գտածոները:

Արգելոց-թանգարանը գործում է իր կանոնադրության հիման վրա` իրականացնելով գիտալուսավորչական, գիտատեղեկատվական և մշակութային գործունեություն:

Էրեբունի. այստեղից է սկսվում Երևանը

Woman

Արգելոց-թանգարանի գործունեության նպատակը մշակութային արժեք ներկայացնող նշյալ անշարժ հուշարձանների ուսումնասիրման, պահպանման, հանրահռչակման, օգտագործման, ինչպես նաև հուշարձանախմբերի, հուշարձանների համալիրների պատմական միջավայրի և դրան հարող տեղանքապատկերների (լանդշաֆտ) ամբողջական պահպանության ապահովումն է, այդ և այլ հուշարձաններից հայտնաբերված թանգարանային առարկաների և հավաքածուների հաշվառումը, թանգարանային հավաքածուի անխաթար և ամբողջական պահպանության ապահովումը:

Էրեբունի. այստեղից է սկսվում Երևանը

New York

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի

Էրեբունի. այստեղից է սկսվում Երևանը

Chess

Հանրության առջև թանգարանն իր դռները բացել է 1968թ. հոկտեմբերի 19-ին` ի նշանավորումն Երևան քաղաքի 2750-րդ տարեդարձի: ՀՀ Կառավարության 2003թ. մարտի 7-ի N 313-Ն որոշմամբ վերանվանվել է «Էրեբունի» պատմահնագիտական արգելոց-թանգարան` «Կարմիր բլուր» և «Շենգավիթ» մասնաճյուղերով:

Հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն` տարածաշրջանում:

Էրեբունի. այստեղից է սկսվում Երևանը

City

Կազմավորման փուլում թանգարանը բաղկացած էր վարչական մասից, հնագիտության սեկտորից (1 ֆոնդապահ) , մասնաճյուղ թանգարաններից և մասսայական բաժիններից: 1979թ. կազմակերպվել են գիտահետազոտական, ֆոնդերի հաշվառման և պահպանման բաժինները, ավելի ուշ` նաև գիտա-վերականգնողական լաբորատորիան:
ՀՀ Կառավարության 2010 թ. օգոստոսի 19-ի N1047 որոշմամբ «Էրեբունի» պատմահնագիտական արգելոց թանգարանը ՀՀ մշակույթի նախարարության ենթակայությունից անցել է Երևանի քաղաքապետարանին:

Ապրիլի 18-ը Էրեբունիում

PDF Տպել

images/erebuni180414.jpg

18.04.2014

Ժառանգությունը պետք է դասավանդել, մեկնաբանել և սիրելի դարձնել

<<Էրեբունի>> պատմահնագիտական արգելոց-թանգարանում նշվեց Հուշարձանների միջազգային օրը

Վերջին տարիների ավանդույթին հավատարիմ` այսօր Էրեբունի թանգարանը և  <<ԻԿՕՄՕՍ/Հայաստանը>> համատեղ նշեցին  Հուշարձանների և տեսարժան վայրերի միջազգային օրը` բազմաթիվ հյուրերի և պաշտոնատար անձանց մասնակցությամբ:

Միջոցառումը, որը կրում էր <<Պահպանություն հանուն ապագայի>> խորագիրը ազդարարեց նաև ԵՄ Արևելյան գործընկերության ՄՇԱԿՈՒՅԹ ծրագրով 2012-2014թթ. Հայաստանում, Վրաստանում և Ուկրաինայում իրկանացվող <<Տարածաշրջանային համագործակցություն հանուն մշակութային ժառանգության  զարգացման>> նախագծի ավարտը Հայաստանում:   Նախագիծը, ոը Հայաստանում գլխավորապես ուներ կրթական ուղղվածություն, ֆինասավորվել էր ԵՄ կողմից:

Միջոցառումը մեկնարկեց <<Համաշխարհային ժառանգություն. պատմական Լվովի հայկական հիշողությունը>> էլեկտրոնային ցուցադրությամբ` ներկայացնելով 1998թ. ՅՈՒՆԵՍԿՕ-ի համաշխարհային ժառանգություն ճանաչված Լվովի պատմական կենտրոնի հայկական հուշարձանները` խորհրդանշելով քաղաքացիական, սոցիալական, էթնիկ լարումների ու զինված կոնֆլիկտների թիրախ հանդիսացող մշակութային արժեքների շուրջ ժառանգության պահապանների միջազգային մտահոգությունը:

Ապրիլի 18-ի խորհուրդը ներկայացրեց <<ԻԿՕՄՕՍ/Հայաստան>> կազմակերպության նախագահ Գ. Գյուրջյանը` նշելով, որ <<Ժառանգության պահպանության գործին ողջ հասարակության պատասխանատվությունը և մասնակցությունն արդեն իրողություն է: Սակայն այստեղ մենք ունենք հասարակության հետ աշխատելու և շատ բաներ մեկնաբանելու խնդիր: Ի վերջո, կարևոր է հասկանալ, որ մասնակցության իրավունքից բացի կա նաև չմասնակցելու պարտավորություն այնտեղ, որտեղ կարող ես վնաս պատճառել ժառանգությանը: Իսկ մեր ժառանգությանը վնասներ պատճառվում են շատ հաճախ չիմացությամբ: Ուրեմն ժառանգությունը պետք է դասավանդել, մեկնաբանել, սիրելի դարձնել>>:

Ժառանգության պահապանի օրվա համատեքստում <<ԻԿՕՄՕՍ/Հայաստանը>>  ներկայացրեց <<Տարածաշրջանային համագործակցություն հանուն մշակութային ժառանգության զարգացման>> նախագծի շրջանակում ստեղծված <<Պահպանություն հանուն ապագայի>> օժանդակ ձեռնարկը` գրված Հայաստանի դպրոցների ուսուցիչների համար: Ներկաներից շատերը այն գնահատեցին որպես արժեքավոր ներդրում` Հայաստանի վաղվա քաղաքացու համար ժառանգության արժեքի տեսանկյունից:

Ողջույնի խոսքով հանդես եկան և դպրոցներում մշակութային ժառանգության պահպանության մանկավարժության ներդրումը կարևորեցին  միջոցառմանը ներկա ՀՀ մշակույթի փոխնախարար Ա. Սամուելյանը, ՅՈՒՆԵՍԿՕ-ի գործերով Հայաստանի ազգային հանձնաժողովի գլխ. քարտուղար Վ. Կաժոյանը, Երևանի քաղաքապետի տեղակալ Ա. Սուքիասյանը, Հայաստանում ԵՄ պատվիրակության արտաքին համագործակցության բաժնի պետ  Հաո-Բին Աճեմյանը, Հայաստանի ճարտարապետների միության նախագահ Մ. Մինասյանը: Ողջույնի խոսք ասաց և տեղական ժառանգության պահպանության ծրագրերի կոչ արեց նաև միջոցառմանը ներկա ՀՀ նախկին գլխ. դատախազ, <<ՆԻԳ-Ապարան>> Հ/Կ պատվավոր նախագահ, ԻԿՕՄՕՍ/Հայաստանի անդամ Ա. Հովսեփյանը:

<<Տարածաշրջանային համագործակցություն հանուն մշակութային ժառանգության զարգացման>> նախագիծը Հայաստանում համակարգվել է <<ԻԿՕՄՕՍ/Հայաստան>> կազմակերպության կողմից` Երևանի քաղաքապետարանի <<Էրեբունի>> արգելոց-թանգարանի մասնակցային գործընկերությամբ, ՀՀ տարածքային կառավարման, մշակույթի, կրթության և գիտության նախարարությունների աջակցությամբ: Հայաստանում նախագիծն ունեցել է գլխավորապես կրթական ուղղվածություն:Նախագծի գլխավոր համակարգումը և գործողությունները Վրաստանում իրականացնում է <<ԻԿՕՄՕՍ/Վրաստանը>>, իսկ Ուկրաինայում` <<Architectura I Prestizh>> կազմկերպությունը: Նախագծի շնորհանդեսը Հայաստանում տեղի է ունեցել 2012թ. հունիսի 15-ին` <<Էրեբունի>> պատմահնագիտական արգելոց-թանգարանում:

ԻԿՕՄՕՍ/Հայաստան

<<Էրեբունի>> արգելոց-թանգարան

Նախագիծը ֆինանսավորվում է Եվրոպական միության կողմից

Այցելություն Էրեբունի

Որմնանկարներ

Image 1

Վազող նժույգ
Էրեբունի, մ.թ.ա. 8դ.

Գտածոներ

Image 2

Բրոնզե թաս
Արգիշտի Ա-ի արձանագրությամբ
Կարմիր բլուր, մ.թ.ա. 8դ.

Ոսկերչություն

Image

Ոսկե մատանի
Կարմիր բլուր, մ.թ.ա. 8դ.

Խեցեղեն

Image 2

Ցլագլուխ
Ծիսական անոթ
Երևանի բիայնական դամբարան, մ.թ.ա. 8-7դդ.

Հուշանվերների կրպակ

 

Erebuni

Էրեբունի թանգարանի հուշանվերների կրպակում Դուք կարող եք ձեռք բերել թանգարանային հավաքածուից ընտրված առարկաների կրկնօրինակներ և դրանց պատկերների օգտագործմամբ ստեղծված մշակութային արտադրանքներ:

Հուշամատյան. պատառներ

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի


Guest Book