gototopgototop
  1. Skip to Menu
  2. Skip to Content
  3. Skip to Footer>

Էրեբունի. այստեղից է սկսվում Երևանը

City

«Էրեբունի» պատմահնագիտական արգելոց-թանգարանը ստեղծվել է որպես Երևանի հիմնադրման պատմության «Էրեբունի» թանգարան` ՀՀ Կառավարության 1968 թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից` Արին բերդից, Կարմիր բլուրից և Շենգավիթից հայտնաբերված գտածոները:

Արգելոց-թանգարանը գործում է իր կանոնադրության հիման վրա` իրականացնելով գիտալուսավորչական, գիտատեղեկատվական և մշակութային գործունեություն:

Էրեբունի. այստեղից է սկսվում Երևանը

Woman

Արգելոց-թանգարանի գործունեության նպատակը մշակութային արժեք ներկայացնող նշյալ անշարժ հուշարձանների ուսումնասիրման, պահպանման, հանրահռչակման, օգտագործման, ինչպես նաև հուշարձանախմբերի, հուշարձանների համալիրների պատմական միջավայրի և դրան հարող տեղանքապատկերների (լանդշաֆտ) ամբողջական պահպանության ապահովումն է, այդ և այլ հուշարձաններից հայտնաբերված թանգարանային առարկաների և հավաքածուների հաշվառումը, թանգարանային հավաքածուի անխաթար և ամբողջական պահպանության ապահովումը:

Էրեբունի. այստեղից է սկսվում Երևանը

New York

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի

Էրեբունի. այստեղից է սկսվում Երևանը

Chess

Հանրության առջև թանգարանն իր դռները բացել է 1968թ. հոկտեմբերի 19-ին` ի նշանավորումն Երևան քաղաքի 2750-րդ տարեդարձի: ՀՀ Կառավարության 2003թ. մարտի 7-ի N 313-Ն որոշմամբ վերանվանվել է «Էրեբունի» պատմահնագիտական արգելոց-թանգարան` «Կարմիր բլուր» և «Շենգավիթ» մասնաճյուղերով:

Հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն` տարածաշրջանում:

Էրեբունի. այստեղից է սկսվում Երևանը

City

Կազմավորման փուլում թանգարանը բաղկացած էր վարչական մասից, հնագիտության սեկտորից (1 ֆոնդապահ) , մասնաճյուղ թանգարաններից և մասսայական բաժիններից: 1979թ. կազմակերպվել են գիտահետազոտական, ֆոնդերի հաշվառման և պահպանման բաժինները, ավելի ուշ` նաև գիտա-վերականգնողական լաբորատորիան:
ՀՀ Կառավարության 2010 թ. օգոստոսի 19-ի N1047 որոշմամբ «Էրեբունի» պատմահնագիտական արգելոց թանգարանը ՀՀ մշակույթի նախարարության ենթակայությունից անցել է Երևանի քաղաքապետարանին:

Էրեբունին ամփոփում է 10-րդ Թանգարանների գիշերը

PDF Տպել

images/museumnight2014c.jpg

19.05.2014

2014թ. մայիսի 17-ի ժամը 18:00-ից <<Էրեբունի>> արգելոց-թանգարանը 10-րդ անգամ միացավ Եվրոպային` մինչև կեսգիշեր ընդունելով հազարավոր այցելուների:  Հոբելյանական 10-րդ Գիշերվա համար 5 միջոցառումներից մշակված ծրագիրը միաժամանակ մեկ սցենարի մեջ էր, որը կրում էր ԻԿՕՄ-ի կողմից 2014-ի համար հայտարարված  <<Հավաքածուները ստեղծում են կապեր>> խորագիրը`

հասցեագրված  ամենատարբեր հետաքրքրություններ և տարիքային խմբերի պատկանող  այցելուների: Ինչպեսև նախորդ տարի, թանգարանի այցելուների կողքին էր Երևանի քաղաքապետարանը, ում աջակցությամբ ժամը 19:00-ից մինչ կեսգիշեր գործեց  Հանրապետության հրապարակ-Էրեբունի թանգարան անվճար երթուղին` խրախուսելով և դյուրինացնելով, մասնավորապես երևանցիների, այցելությունը  մայրաքաղաքի բնօրրան: Ինչպեսև միշտ, հաշվի առնելով այցելուների մեծ հոսքերը ոչ միայն թանգարան` այլ նաև Էրեբունիի ամրոցի միջնաբերդ, արգելոց-թանգարանի տարածքում լրացուցիչ ուժեղացված ծառայություն իրականացրեցին ՀՀ ոստիկանության պետական պահպանություն իրականացվող ոստիկանները` ապահովելով ոչ միայն հասարակական կարգի, այլ նաև հնավայրի անխաթար պահպանություն:   Առավոտից մինչև ուշ կեսգիշեր ոտքի վրա էր արգելոց-թանգարանի ողջ աշխատակազմը:

Թեև Գիշերվա մեկնարկը խորհրդանշականորեն տրվելու էր արևամուտից, սակայն մայիսի 17-ի վաղ առավոտից Էրեբունին սկսեց ընդունել ՀՀ մարզերից ժամանող դպրոցական խմբերի` ուսուցիչների և ծնողների ուղեկցությամբ: Բազմաթիվ խմբային այցելուների շարքում առանձնապես աչքի ընկավ Բյուրեղավանի դպրոցը, որն Էրեբունի էր եկել տոնական հատուկ ծրագրով և  տրամադրությամբ: Արին բերդի բարձրունքից բյուրեղավանցի դպրոցականները  բաց թողեցին տոնական փուչիկներ` այսկերպ ողջունելով 10-րդ Թանգարանային գիշերը մայրաքաղաքում:

Ծնողների ուղեկցությամբ Էրեբունի այցելած ցածր դպրոցական տարիքի երեխաները ժամեր շարունակ անցկացրեցին արգելոց-թանգարանի ուսումնական պեղավայրում` դիտելով պատանի հնագետների ցուցադրական դասը պեղումների հրապարակում: Այդ պեղումները հետաքրքրեցին նաև շատ մեծահասակների:

Ծրագրի շրջանակում 3 անգամ ցուցադրվեց <<Աշխարհը Բրիտանական թանգարանում>> ճանաչողական ֆիլմը, որի դիտորդները հիմնականում ուսանողներն ու մեծահասակներն էին: Ֆիլմը գլխավորապես հետաքրքրեց  մշակութային մասնագիտական կրթություն ստացողներին և, մասնավորապես, հնագետներին ու արվեստի պատմաբաններին:

Էրեբունիում Թանգարանների գիշերը երաժշտական դարձրեց <<Վան>> ազգագրական երգ ու պարի համույթը` Անդրանիկ Հովհաննիսյանի ղեկավարությամբ: Թանգարանի ներքին բակում և առջևի հարթակում հնչեցին <<Ամռան գիշեր>>, <<Աշնան գիշեր>>, <<Ճախարակ>> երգերը, իսկ <<Ուրֆանե>>, <<Սեբաստիո>>, <<Զընգըրթա>> պարային համարներում ուղղակիորեն  ներգրավվեցին նաև այցելուները` համույթի հետ կազմելով պարային մեկ շրջան:

Մեծ թվով այցելուների Էրեբունի էր բերել նաև 1-ին անգամ ցուցադրվող ագաթե կոճակի (մ. թ. ա. 8-րդ դար) 1-օրյա ցուցադրությունը: Շատերին էր հետաքրքրում, թե ինչպիսի՞ն է գրեթե 3-հազարամյա կոճակը:

Ավելի ուշ, ժամը 21:00-ից Էրեբունին միացավ համացանցում օն-լայն ռեժիմով հասանելի <<Գեղագիտակ>> նախաձեռնությանը` մինչև կեսգիշեր դիտելով 10-րդ Թանգարանային գիշերվա հետաքրքիր կադրեր` մեկտեղված մեկ ալբոմում: Գեղադիտակը, որը հասանելի է http://prod.kinevision.fr/opes/display_wall_stack/349?user=musee&pwd=2014 հասցեում, ներկայացրել է հարյուր-հազարավոր կադրեր Եվրոպայի թանգարաններից: Սմարթֆոններ ունեցող հազարավոր այցելուներ ընդունել են Գիշերվա եվրոպական համակարգողների <<Նկարի°ր ինքդ>> առաջարկությունը և որսացել Եվրոպայի թանգարանային հավաքածուների հարստությունը ներկայացնող հրաշալի լուսանկարներ: Նախաձեռնությանն ակտիվորեն են մասնակցել Ֆրանսիան, Իտալիան, Ռումինիան, Իսպանիան, Ռուսաստանը, Հայաստանը: Էրեբունի թանգարանը Գեղադիտակում ներկայացված է Արգիշտիի բարձրաքանդակը ներկայացնող 1 լուսանկարով:

2014թ. մայիսի 17-ին <<Էրեբունի >> արգելոց-թանգարան են այցելել 2400 այցելուներ, որոնցից 960-ը` 12-25 տարեկաններ:

<<Էրեբունի>> արգելոց-թանգարանը շնորհակալություն է հայտնում իր բոլոր այցելուներին, գործընկերներին և աջակիցներին: Հատուկ շնորհակալություն այն այցելուին, ով ինքնալուսանկարի փոխարեն նախապատվությունը տվել է մեր սիրելի մայրաքաղաքի հիմնադրի` Արգիշտի արքայի բարձրաքանդակին` Եվրոպայով մեկ հանրառչակելով շուտով արդեն 2800-ամյա Երևանի հարատևության խորհրդանիշը:

Այցելություն Էրեբունի

Որմնանկարներ

Image 1

Վազող նժույգ
Էրեբունի, մ.թ.ա. 8դ.

Գտածոներ

Image 2

Բրոնզե թաս
Արգիշտի Ա-ի արձանագրությամբ
Կարմիր բլուր, մ.թ.ա. 8դ.

Ոսկերչություն

Image

Ոսկե մատանի
Կարմիր բլուր, մ.թ.ա. 8դ.

Խեցեղեն

Image 2

Ցլագլուխ
Ծիսական անոթ
Երևանի բիայնական դամբարան, մ.թ.ա. 8-7դդ.

Հուշանվերների կրպակ

 

Erebuni

Էրեբունի թանգարանի հուշանվերների կրպակում Դուք կարող եք ձեռք բերել թանգարանային հավաքածուից ընտրված առարկաների կրկնօրինակներ և դրանց պատկերների օգտագործմամբ ստեղծված մշակութային արտադրանքներ:

Հուշամատյան. պատառներ

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի


Guest Book