gototopgototop
  1. Skip to Menu
  2. Skip to Content
  3. Skip to Footer>

Էրեբունի. այստեղից է սկսվում Երևանը

City

«Էրեբունի» պատմահնագիտական արգելոց-թանգարանը ստեղծվել է որպես Երևանի հիմնադրման պատմության «Էրեբունի» թանգարան` ՀՀ Կառավարության 1968 թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից` Արին բերդից, Կարմիր բլուրից և Շենգավիթից հայտնաբերված գտածոները:

Արգելոց-թանգարանը գործում է իր կանոնադրության հիման վրա` իրականացնելով գիտալուսավորչական, գիտատեղեկատվական և մշակութային գործունեություն:

Էրեբունի. այստեղից է սկսվում Երևանը

Woman

Արգելոց-թանգարանի գործունեության նպատակը մշակութային արժեք ներկայացնող նշյալ անշարժ հուշարձանների ուսումնասիրման, պահպանման, հանրահռչակման, օգտագործման, ինչպես նաև հուշարձանախմբերի, հուշարձանների համալիրների պատմական միջավայրի և դրան հարող տեղանքապատկերների (լանդշաֆտ) ամբողջական պահպանության ապահովումն է, այդ և այլ հուշարձաններից հայտնաբերված թանգարանային առարկաների և հավաքածուների հաշվառումը, թանգարանային հավաքածուի անխաթար և ամբողջական պահպանության ապահովումը:

Էրեբունի. այստեղից է սկսվում Երևանը

New York

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի

Էրեբունի. այստեղից է սկսվում Երևանը

Chess

Հանրության առջև թանգարանն իր դռները բացել է 1968թ. հոկտեմբերի 19-ին` ի նշանավորումն Երևան քաղաքի 2750-րդ տարեդարձի: ՀՀ Կառավարության 2003թ. մարտի 7-ի N 313-Ն որոշմամբ վերանվանվել է «Էրեբունի» պատմահնագիտական արգելոց-թանգարան` «Կարմիր բլուր» և «Շենգավիթ» մասնաճյուղերով:

Հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն` տարածաշրջանում:

Էրեբունի. այստեղից է սկսվում Երևանը

City

Կազմավորման փուլում թանգարանը բաղկացած էր վարչական մասից, հնագիտության սեկտորից (1 ֆոնդապահ) , մասնաճյուղ թանգարաններից և մասսայական բաժիններից: 1979թ. կազմակերպվել են գիտահետազոտական, ֆոնդերի հաշվառման և պահպանման բաժինները, ավելի ուշ` նաև գիտա-վերականգնողական լաբորատորիան:
ՀՀ Կառավարության 2010 թ. օգոստոսի 19-ի N1047 որոշմամբ «Էրեբունի» պատմահնագիտական արգելոց թանգարանը ՀՀ մշակույթի նախարարության ենթակայությունից անցել է Երևանի քաղաքապետարանին:

Հնագիտությունը հայ-ֆրանսիական արդյունավետ համագործակցության բնագավառ

PDF Տպել

images/armenianfrance180614.jpg

18.06.2014

Երեկ, 2014թ. հունիսի 17-ին, ՀՀ ԳԱԱ նիստերի դահլիճում տեղի ունեցավ մեկօրյա կոնֆերանս`նվիրված Հայաստանի և Ֆրանսիայի միջև ծավալվող գիտական համագործակցությանը հնագիտության բնագավառում: Հայաստանի անկախության 1-ին իսկ տարիներից համատեղ  իրականացվող հայ-ֆրանսիական հնագիտական արշավախմբերը կարևոր արդյունքներ են արձանագրել`

Հայաստանի հնագիտական ժառանգությունը ճանաչելի դարձնելով միջազգային մասնագիտական հարթակներում և հեղինակավոր գիտական հանդեսներում:

Կոնֆերանսին, որի կազմակերպիչներն էին Հայաստանում Ֆրանսիայի դեսպանությունը, Հայկական Ալիանս ֆրանսեզը և ՀՀ Գիտությունների ազգային ակադեմիան, ներկայացվեցին  ամփոփ զեկուցումներ <<Կովկաս>> հնագիտա-երկրաբանական առաքելության (Տարածաշրջանի բնակեցումը նախապատմական ժամանակաշրջանում), Երերույքի (Հասարակարգերի պատմությունը միջնադարում), և Էրեբունիի (Ուրարտական և Աքեմենյան ժամանակաշրջաններ) հայ-ֆրանսիական արշավախմբերի համաղեկավարների կողմից:

Էրեբունիի հայ-ֆրանսիական պեղումների ընթացքի մասին զեկույցով հանդես եկավ  ֆրանսիական արշավախմբի ղեկավար Ստեֆան Դեշամպը, որի ելույթին հետևեց <<Էրեբունի>> արգելոց-թանգարանի տնօրեն Գագիկ Գյուրջյանի խոսքը:

Կարևորելով 2008-ից ամրոցի միջնաբերդի Խալդի աստծո տաճարի շրջակայքում տարվող հայ-ֆրանսիական ուսումնասիրությունները` Գ. Գյուրջյանը մասնավորապես նշեց , որ դրանց արդյունքները վստահելի հիմք են ձևավորում միջնաբերդում նախատեսվող ամրակայումների և վերականգնումների տեսանկյունից: Նա նաև ընդգծեց, որ հայ-ֆրանսիական համատեղ պեղումները մեծապես նպաստել են Էրեբունի հնավայրի արժեքի գիտակցմանը հասարակության կողմից և նոր տեսանելիություն են ապահովել հուշարձանի համար:

Հանդես գալով կոնֆերանսի մասնակիցներին ուղղված ողջույնի խոսքով` ՀՀ-ում Ֆրանսիայի արտակարգ և լիազոր դեսպան Անրի Ռենոն, ևս անդրադառնալով Էրեբունիում իրականացվող 2-րդ քառամյա ծրագրին, այն բնորոշեց որպես արդյունավետ ու հաջողված օրինակ, որի արդյունքները հասանելի են և' գիտական հանրությանը, և' իշխանություններին և' հասարակությանը:

Հայ-ֆրանսիական համագործացությունը բարձր գնահատեց նաև ՀՀ ԳԱԱ Հնագիտության և ազգագրության ինստիտուտի տնօրեն Պավել Ավետիսյանը` նշելով, որ այն անգնահատելի փորձի լաբորատորիա է երիտասարդ հնագետների համար:

Էրեբունիի հայ-ֆրանսիական արշավախումբի պեղումները կվերսկսվեն օգոստոսի վերջից և կտևեն 1 ամիս:

Այցելություն Էրեբունի

Որմնանկարներ

Image 1

Վազող նժույգ
Էրեբունի, մ.թ.ա. 8դ.

Գտածոներ

Image 2

Բրոնզե թաս
Արգիշտի Ա-ի արձանագրությամբ
Կարմիր բլուր, մ.թ.ա. 8դ.

Ոսկերչություն

Image

Ոսկե մատանի
Կարմիր բլուր, մ.թ.ա. 8դ.

Խեցեղեն

Image 2

Ցլագլուխ
Ծիսական անոթ
Երևանի բիայնական դամբարան, մ.թ.ա. 8-7դդ.

Հուշանվերների կրպակ

 

Erebuni

Էրեբունի թանգարանի հուշանվերների կրպակում Դուք կարող եք ձեռք բերել թանգարանային հավաքածուից ընտրված առարկաների կրկնօրինակներ և դրանց պատկերների օգտագործմամբ ստեղծված մշակութային արտադրանքներ:

Հուշամատյան. պատառներ

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի


Guest Book