gototopgototop
  1. Skip to Menu
  2. Skip to Content
  3. Skip to Footer>

Էրեբունի. այստեղից է սկսվում Երևանը

City

«Էրեբունի» պատմահնագիտական արգելոց-թանգարանը ստեղծվել է որպես Երևանի հիմնադրման պատմության «Էրեբունի» թանգարան` ՀՀ Կառավարության 1968 թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից` Արին բերդից, Կարմիր բլուրից և Շենգավիթից հայտնաբերված գտածոները:

Արգելոց-թանգարանը գործում է իր կանոնադրության հիման վրա` իրականացնելով գիտալուսավորչական, գիտատեղեկատվական և մշակութային գործունեություն:

Էրեբունի. այստեղից է սկսվում Երևանը

Woman

Արգելոց-թանգարանի գործունեության նպատակը մշակութային արժեք ներկայացնող նշյալ անշարժ հուշարձանների ուսումնասիրման, պահպանման, հանրահռչակման, օգտագործման, ինչպես նաև հուշարձանախմբերի, հուշարձանների համալիրների պատմական միջավայրի և դրան հարող տեղանքապատկերների (լանդշաֆտ) ամբողջական պահպանության ապահովումն է, այդ և այլ հուշարձաններից հայտնաբերված թանգարանային առարկաների և հավաքածուների հաշվառումը, թանգարանային հավաքածուի անխաթար և ամբողջական պահպանության ապահովումը:

Էրեբունի. այստեղից է սկսվում Երևանը

New York

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի

Էրեբունի. այստեղից է սկսվում Երևանը

Chess

Հանրության առջև թանգարանն իր դռները բացել է 1968թ. հոկտեմբերի 19-ին` ի նշանավորումն Երևան քաղաքի 2750-րդ տարեդարձի: ՀՀ Կառավարության 2003թ. մարտի 7-ի N 313-Ն որոշմամբ վերանվանվել է «Էրեբունի» պատմահնագիտական արգելոց-թանգարան` «Կարմիր բլուր» և «Շենգավիթ» մասնաճյուղերով:

Հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն` տարածաշրջանում:

Էրեբունի. այստեղից է սկսվում Երևանը

City

Կազմավորման փուլում թանգարանը բաղկացած էր վարչական մասից, հնագիտության սեկտորից (1 ֆոնդապահ) , մասնաճյուղ թանգարաններից և մասսայական բաժիններից: 1979թ. կազմակերպվել են գիտահետազոտական, ֆոնդերի հաշվառման և պահպանման բաժինները, ավելի ուշ` նաև գիտա-վերականգնողական լաբորատորիան:
ՀՀ Կառավարության 2010 թ. օգոստոսի 19-ի N1047 որոշմամբ «Էրեբունի» պատմահնագիտական արգելոց թանգարանը ՀՀ մշակույթի նախարարության ենթակայությունից անցել է Երևանի քաղաքապետարանին:

Թանգարանների գիշերը Էրեբունի արգելոց-թանգարանում

PDF Տպել

 

Այս տարի մայիսի 16-ին, ժամը 18:00-ից «Էրեբունի» պատմահնագիտական արգելոց-թանգարանը կմիանա «Թանգարանների գիշեր» համաեվրոպական նախաձեռնությանը՝ մշակութասեր հանրությանը ներկայացնելով բազմաբնույթ միջոցառումներ: «Թանգարանները հանուն կայուն հասարակության» խորագրի համատեքստում իրիկնամուտից մինչև կեսգիշեր արգելոց-թանգարանն իր հարկի տակ կընդունի հազարավոր այցելուների, ովքեր բացի հիմնական ցուցադրությունը դիտելուց, կարող են ծանոթանալ նաև «Արևմտյան Հայաստանի ուրարտական ժառանգությունը» ժամանակավոր ցուցահանդեսին՝ վայելելով դասական հաճելի երաժշտություն:

Գիշերը թանգարանում կմեկնարկի հնագիտական հուշարձաններին, ի մասնավորի, Արևմտյան Հայաստանի հուշարձաններին նվիրված դասախոսություններով, որոնք ցուցադրական նյութերով կներկայացնեն իրենց փորձով և գիտելիքներով հայտնի հայ հնագետները:

Էրեբունի թանգարանը կմիանա նաև «Գիշերվա Թվիթուոլ» /“Tweetwall of the Night”/ թվանշայնացված հատուկ ծրագրին, որը մշակված է 11-րդ Թանգարանների եվրոպական գիշերվա մասնակից թանգարանների համար: Այս ծրագիրը այցելուներին առաջարկում է Թանգարանային գիշերվա շրջանակում առցանց կիսվել իրենց տպավորություններով՝ նկարների և թվիթթերների միջոցով, որոնք կհավաքվեն և կցուցադրվեն բոլոր մասնակից թանգարաններում՝ ծրագրի համար նախատեսված էկրանների վրա:Թանգարանների միջազգային օրը այս տարի Հայաստանում նշվող՝ «Թանգարաններ. Հիշողության վկաներ» կարգախոսին՝ նվիրված Հայոց ցեղասպանության 100-րդ տարելիցին, հատուկ բեմադրված միջոցառմամբ կմիանան Երևանի թիվ 119 ավագ դպրոցի սաները: Ժամը 20:00-ից թանգարանի հարակից հրապարակը կվերածվի յուրօրինակ բեմահարթակի, որտեղ կթևածեն ժողովրդական երգն ու պարը՝ «Վարք հայոց» ավանդական երգի-պարի խմբի ներկայացմամբ: Թանգարանային գիշերվա մասնակիցներին 1 ժամ շարունակ երաժշտական տոն կպարգևի հեղինակ–կատարող Արմինե Հայրապետյանը՝ «Ես գնում եմ հանդիպման» համերգային ծրագրով: Թանգարանների եվրոպական գիշերը Էրեբունիում կավարտվի կեսգիշերին՝ Էրեբունի քաղաք-ամրոցում զբոսնելով, մեկմեկու Գիշերվա տպավորությունները հաղորդելով և ամրոցի բարձրունքից Երևանի համայնապատկերը դիտելով:

«Թանգարանների եվրոպական գիշեր» ծրագիրը մեկնարկել է 2005 թվականից՝ Ֆրանսիայի մշակույթի և հաղորդակցության նախարարության նախաձեռնությամբ` ԻԿՕՄ-ի, ՅՈՒՆԵՍԿՕ-ի և Եվրոպայի խորհրդի հովանավորությամբ: 2015թ. ՀՀ Մշակույթի նախարարության նախաձեռնությամբ Թանգարանների միջազգային օրը Հայաստանում նշվում է «Թանգարաններ. հիշողության վկաներ» խորագրի ներքո՝ նվիրված Հայոց ցեղասպանության 100-րդ տարելիցին:

 

ԹԱՆԳԱՐԱՆՆԵՐԻ ԵՎՐՈՊԱԿԱՆ ԳԻՇԵՐ--2015

ԾՐԱԳԻՐ

Ժամը՝ 18:00-24:00

  • Մշտական ցուցադրության դիտում՝ դասական երաժշտության ուղեկցությամբ /կատարող՝ Միքայել Գաբրիելյան/
  • Արևմտյան Հայաստանի ուրարտական ժառանգությունը»

Ժամանակավոր ցուցահանդեսի դիտում՝ նվիրված Հայոց ցեղասպանության 100-րդ տարելիցին

Ժամը՝ 18:00-19:30

  • Դասախոսությունների շարք՝ նվիրված Արևմտյան Հայաստանի հուշարձաններին
  1. Հայկ Ավետիսյան. «Հնագիտության արդի հիմնախնդիրները»
  2. Հայկ Հակոբյան. «Հին Հայաստանի զույգ քաղաքները»
  3. Աշոտ Փիլիպոսյան. «Զորաց քարեր. զուգահեռներ Արևմտյան Հայաստանի և Արևմտյան Եվրոպայի հուշարձանների հետ»
  4. Միքայել Բադալյան. «Էրեբունուց Կարմիր բլուր. Թեյշեբաինի քաղաքի հիմնադրման պատճառների շուրջ»

19:30-20:30

  • «Վրեժ և հատուցում»

Հայոց ցեղասպանության 100-րդ տարելիցին նվիրված միջոցառում՝ Երևանի Բ. Ժամկոչյանի անվ. թիվ 119 ավագ դպրոցի աշակերտների ներկայացմամբ

20:30-21:00

  • Երաժշտական և պարային կատարումներ

Ներկայացնում է «Վարք Հայոց» ավանդական երգի-պարի խումբը

21:00-22:00

  • «Ես գնում եմ հանդիպման»

Թանգարանային գիշերվա հյուրն է հեղինակ-կատարող Արմինե Հայրապետյանը

22:00-24:00

  • «Գիշերային զբոսանք» Էրեբունի միջնաբերդի տարածքում

«Էրեբունի» արգելոց-թանգարանի ծրագիրը կարող եք զննել նաև`

http://museu.ms/museum/details/16554/erebuni-historical-archaeological-museumreserve

http://nuitdesmusees.culturecommunication.gouv.fr/Programme

Այցելություն Էրեբունի

Որմնանկարներ

Image 1

Վազող նժույգ
Էրեբունի, մ.թ.ա. 8դ.

Գտածոներ

Image 2

Բրոնզե թաս
Արգիշտի Ա-ի արձանագրությամբ
Կարմիր բլուր, մ.թ.ա. 8դ.

Ոսկերչություն

Image

Ոսկե մատանի
Կարմիր բլուր, մ.թ.ա. 8դ.

Խեցեղեն

Image 2

Ցլագլուխ
Ծիսական անոթ
Երևանի բիայնական դամբարան, մ.թ.ա. 8-7դդ.

Հուշանվերների կրպակ

 

Erebuni

Էրեբունի թանգարանի հուշանվերների կրպակում Դուք կարող եք ձեռք բերել թանգարանային հավաքածուից ընտրված առարկաների կրկնօրինակներ և դրանց պատկերների օգտագործմամբ ստեղծված մշակութային արտադրանքներ:

Հուշամատյան. պատառներ

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի


Guest Book