gototopgototop
  1. Skip to Menu
  2. Skip to Content
  3. Skip to Footer>

Էրեբունի. այստեղից է սկսվում Երևանը

City

«Էրեբունի» պատմահնագիտական արգելոց-թանգարանը ստեղծվել է որպես Երևանի հիմնադրման պատմության «Էրեբունի» թանգարան` ՀՀ Կառավարության 1968 թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից` Արին բերդից, Կարմիր բլուրից և Շենգավիթից հայտնաբերված գտածոները:

Արգելոց-թանգարանը գործում է իր կանոնադրության հիման վրա` իրականացնելով գիտալուսավորչական, գիտատեղեկատվական և մշակութային գործունեություն:

Էրեբունի. այստեղից է սկսվում Երևանը

Woman

Արգելոց-թանգարանի գործունեության նպատակը մշակութային արժեք ներկայացնող նշյալ անշարժ հուշարձանների ուսումնասիրման, պահպանման, հանրահռչակման, օգտագործման, ինչպես նաև հուշարձանախմբերի, հուշարձանների համալիրների պատմական միջավայրի և դրան հարող տեղանքապատկերների (լանդշաֆտ) ամբողջական պահպանության ապահովումն է, այդ և այլ հուշարձաններից հայտնաբերված թանգարանային առարկաների և հավաքածուների հաշվառումը, թանգարանային հավաքածուի անխաթար և ամբողջական պահպանության ապահովումը:

Էրեբունի. այստեղից է սկսվում Երևանը

New York

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի

Էրեբունի. այստեղից է սկսվում Երևանը

Chess

Հանրության առջև թանգարանն իր դռները բացել է 1968թ. հոկտեմբերի 19-ին` ի նշանավորումն Երևան քաղաքի 2750-րդ տարեդարձի: ՀՀ Կառավարության 2003թ. մարտի 7-ի N 313-Ն որոշմամբ վերանվանվել է «Էրեբունի» պատմահնագիտական արգելոց-թանգարան` «Կարմիր բլուր» և «Շենգավիթ» մասնաճյուղերով:

Հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն` տարածաշրջանում:

Էրեբունի. այստեղից է սկսվում Երևանը

City

Կազմավորման փուլում թանգարանը բաղկացած էր վարչական մասից, հնագիտության սեկտորից (1 ֆոնդապահ) , մասնաճյուղ թանգարաններից և մասսայական բաժիններից: 1979թ. կազմակերպվել են գիտահետազոտական, ֆոնդերի հաշվառման և պահպանման բաժինները, ավելի ուշ` նաև գիտա-վերականգնողական լաբորատորիան:
ՀՀ Կառավարության 2010 թ. օգոստոսի 19-ի N1047 որոշմամբ «Էրեբունի» պատմահնագիտական արգելոց թանգարանը ՀՀ մշակույթի նախարարության ենթակայությունից անցել է Երևանի քաղաքապետարանին:

Եվրոպական ժառանգության օրերն Էրեբունի արգելոց-թանգարանում

PDF Տպել

«Էրեբունի» պատմահնագիտական արգելոց-թանգարանն այս տարի սեպտեմբերի 26-ին Եվրոպական ժառանգության օրերին կմիանա  միջոցառումների հատուկ ծրագրով: Հանդիսանալով Եվրոպայի հազարավոր քաղաքացիների կողմից սիրված և  սպասված նախաձեռնություն՝ Եվրոպական ժառանգության օրերի անցկացումն ազգային արժեքները որպես Եվրոպայի մեկ ընդհանուր ժառանգություն դիտարկելու կարևոր  իրադարձություն  է: Եվրոպական ժառանգության օրերի մեկնարկը «Էրեբունի» արգելոց-թանգարանում կնշանավորվի նոր ցուցահանդեսի բացմամբ, որը կրում է «Էրեբունիից Պերսեպոլիս. ուրարտական և աքեմենյան մշակույթների հանգույցում» խորագիրը: Այն կիրականացվի Իրանի ԻԿՕՄ-ի ազգային կոմիտեի և «Էրեբունի» պատմահնագիտական արգելոց-թանգարանի հետ համագործակցության շրջանակում:

Թանգարանի ներքին բակում ներկայացվող պատկերազարդ պաստառների ցուցահանդեսն  իր այցելուներին մտովի կտեղափոխի ուրարտական և աքեմենյան դարաշրջաններ՝ ներկայացնելով, այսօր արդեն, Համաշխարհային ժառանգության մաս կազմող եզակի հուշարձանի՝ Պերսեպոլիսի և Հայաստանի հնագիտական ժառանգության կարևոր արժեքի՝ Էրեբունիի  պատմությունն ու մշակույթը: Այն երկու հնագույն քաղաքների մշակույթներում առկա փոխազդեցությունները համադրելու, ինչպես և, նրանց մշակութային կարևոր նշանակության և պահպանության շուրջ մտորելու՝ այցելուին ընձեռված նոր հնարավորություն է: Հայաստանում Եվրոպական ժառանգության օրերը 2015թ.  անց են կացվում  ՀՀ Մշակույթի նախարարության կողմից առաջարկված «Հիշատակի ժառանգությունը» խորագրի ներքո՝ նվիրված Հայոց ցեղասպանության 100-րդ տարելիցին: «Էրեբունի» արգելոց-թանգարանը միանալով վերոնշյալ խորագրին՝ ՀՀ Մշակույթի նախարարության Երաժշտագիտական գրադարանի հետ համատեղ սեպտեմբերի 26-ին կիրականացնի նաև «Վանի տարածաշրջանի ժողովրդական երգարվեստը» համերգային ծրագիրը՝ ներկայացնելով Հայոց ցեղասպանության հետևանքով լքված Արևմտյան Հայաստանի հարուստ ժառանգության մի փոքրիկ պատառիկը:  Երաժշտագիտական գրադարանի երգչախմբի մասնակցությամբ ժողովրդական երգերի մի ամբողջ շարան կնվիրվի  թանգարանի երաժշտասեր այցելուներին: Օրերի շրջանակում իրականացվող միջոցառումներն արգելոց-թանգարանում կավարտվեն ուրարտական և աքեմենյան հնագույն մշակույթների վերաբերյալ հետաքրքիր դասախոսություններով, որոնք կանցկացնեն Իրանի և Հայաստանի հնագիտության, մշակույթի և արվեստի լավագույն մասնագետները:

«Էրեբունիից Պերսեպոլիս. ուրարտական և աքեմենյան մշակույթների հանգույցում» ցուցահանդեսի բացումը տեղի կունենա 2015թ. սեպտեմբերի 26-ին ժամը 12:00-ին «Էրեբունի» արգելոց-թանգարանում:

Այցելություն Էրեբունի

Որմնանկարներ

Image 1

Վազող նժույգ
Էրեբունի, մ.թ.ա. 8դ.

Գտածոներ

Image 2

Բրոնզե թաս
Արգիշտի Ա-ի արձանագրությամբ
Կարմիր բլուր, մ.թ.ա. 8դ.

Ոսկերչություն

Image

Ոսկե մատանի
Կարմիր բլուր, մ.թ.ա. 8դ.

Խեցեղեն

Image 2

Ցլագլուխ
Ծիսական անոթ
Երևանի բիայնական դամբարան, մ.թ.ա. 8-7դդ.

Հուշանվերների կրպակ

 

Erebuni

Էրեբունի թանգարանի հուշանվերների կրպակում Դուք կարող եք ձեռք բերել թանգարանային հավաքածուից ընտրված առարկաների կրկնօրինակներ և դրանց պատկերների օգտագործմամբ ստեղծված մշակութային արտադրանքներ:

Հուշամատյան. պատառներ

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի


Guest Book