gototopgototop
  1. Skip to Menu
  2. Skip to Content
  3. Skip to Footer>

Էրեբունի. այստեղից է սկսվում Երևանը

City

«Էրեբունի» պատմահնագիտական արգելոց-թանգարանը ստեղծվել է որպես Երևանի հիմնադրման պատմության «Էրեբունի» թանգարան` ՀՀ Կառավարության 1968 թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից` Արին բերդից, Կարմիր բլուրից և Շենգավիթից հայտնաբերված գտածոները:

Արգելոց-թանգարանը գործում է իր կանոնադրության հիման վրա` իրականացնելով գիտալուսավորչական, գիտատեղեկատվական և մշակութային գործունեություն:

Էրեբունի. այստեղից է սկսվում Երևանը

Woman

Արգելոց-թանգարանի գործունեության նպատակը մշակութային արժեք ներկայացնող նշյալ անշարժ հուշարձանների ուսումնասիրման, պահպանման, հանրահռչակման, օգտագործման, ինչպես նաև հուշարձանախմբերի, հուշարձանների համալիրների պատմական միջավայրի և դրան հարող տեղանքապատկերների (լանդշաֆտ) ամբողջական պահպանության ապահովումն է, այդ և այլ հուշարձաններից հայտնաբերված թանգարանային առարկաների և հավաքածուների հաշվառումը, թանգարանային հավաքածուի անխաթար և ամբողջական պահպանության ապահովումը:

Էրեբունի. այստեղից է սկսվում Երևանը

New York

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի

Էրեբունի. այստեղից է սկսվում Երևանը

Chess

Հանրության առջև թանգարանն իր դռները բացել է 1968թ. հոկտեմբերի 19-ին` ի նշանավորումն Երևան քաղաքի 2750-րդ տարեդարձի: ՀՀ Կառավարության 2003թ. մարտի 7-ի N 313-Ն որոշմամբ վերանվանվել է «Էրեբունի» պատմահնագիտական արգելոց-թանգարան` «Կարմիր բլուր» և «Շենգավիթ» մասնաճյուղերով:

Հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն` տարածաշրջանում:

Էրեբունի. այստեղից է սկսվում Երևանը

City

Կազմավորման փուլում թանգարանը բաղկացած էր վարչական մասից, հնագիտության սեկտորից (1 ֆոնդապահ) , մասնաճյուղ թանգարաններից և մասսայական բաժիններից: 1979թ. կազմակերպվել են գիտահետազոտական, ֆոնդերի հաշվառման և պահպանման բաժինները, ավելի ուշ` նաև գիտա-վերականգնողական լաբորատորիան:
ՀՀ Կառավարության 2010 թ. օգոստոսի 19-ի N1047 որոշմամբ «Էրեբունի» պատմահնագիտական արգելոց թանգարանը ՀՀ մշակույթի նախարարության ենթակայությունից անցել է Երևանի քաղաքապետարանին:

Առյուծի և ցուլի որսը Մերձավոր Արևելքում. ցուցահանդես Հուշարձանների միջազգային օրվա շրջանակում

PDF Տպել

Հուշարձանների և տեսարժան վայրերի միջազգային խորհրդի՝ ԻԿՕՄՕՍ-ի առաջարկությամբ 2016թ. ապրիլի 18-ը՝ Հուշարձանների և տեսարժան վայրերի միջազգային օրը, նշվում է «Սպորտի ժառանգությունը» խորագրի ներքո: «Էրեբունի» պատմահնագիտական արգելոց-թանգարանը ԻԿՕՄՕՍ/Հայաստան կազմակերպության հետ համատեղ թեմայի շրջանակում կազմակերպում է «Առյուծի և ցուլի որսը Մերձավոր Արևելքում» խորագրով ցուցահանդես:     Ցուցահանդեսը այցելուին կներկայացնի Հին Մերձավոր Արևելքում տեղի ունեցած սպորտային որոշ իրադարձություններ, Ուրարտուում առյուծի և ցուլի որսի մասին վկայող   տեսարաններ: Մերձավոր Արևելքի մի շարք տարածաշրջանների կրոնապաշտամունքային համակարգում կարևոր տեղ է զբաղեցրել առյուծի,  երբեմն նաև` ցուլի ծիսական որսը: Այդ մասին վկայված են ինչպես Հին մերձավորարևելյան պատկերագրության տարբեր տեսարաններում, այնպես էլ մի շարք գրավոր սկզբնաղբյուրներում:

Առյուծի և ցուլի ծիսական որսի «ինստիտուտը» հատկապես տարածված է  եղել Ասորեստանյան պետության Միջին և Նոր թագավորությունների ժամանակաշրջանում: Այստեղ այն մեծամասամբ կրել է «արքայական բնույթ»: Առյուծի և ցուլի որսը յուրատեսակ մրցություն է եղել և իր մեջ պարունակել է սպորտային տարրեր:Ուրարտական պատկերագրության մեջ առկա են որոշ տեսարաններ, որոնք կարող են ապացույց հանդիսանալ Վանի թագավորությունում առյուծի և ցուլի ծիսական որսի գոյության մասին: Նման տեսարաններ հատկապես առկա են ուրարտական մի շարք գոտիների վրա պատկերված դրվագաշարերում: «Էրեբունի» պատմահնագիտական արգելոց-թանգարանն այն եզակի հաստատություններից է, որտեղ պահվում են հնագիտորեն ֆիքսված արտեֆակտեր` առյուծի և ցուլի որսի տեսարաններով: Դրանք համապատասխանաբար Նոր Արեշի կոլումբարիումից և Երևանի Բիայնական դամբարանից գտնված գոտիների հատվածներն են: Հուշարձանների և տեսարժան վայրերի միջազգային օրվան նվիրված «Առյուծի և ցուլի որսը Մերձավոր Արևելքում» ցուցահանդեսի բացումը տեղի կունենա Էրեբունի պատմահնագիտական արգելոց-թանգարանում, 2016թ. ապրիլի 18-ին, ժամը՝ 14:00-ին/ք. Երևան, Էրեբունի փող. 38/:                                                         Ցուցահանդեսը կգործի մինչև 2016թ մայիսի 8-ը:

 

Հուշարձանների և տեսարժան վայրերի միջազգային խորհրդի /ԻԿՕՄՕՍ/ առաջարկությամբ՝ ՅՈՒՆԵՍԿՕ-ն 1983թ.-ից ապրիլի 18-ը նշում է որպես Հուշարձանների և տեսարժան վայրերի միջազգային օր՝ կոչ անելով իր անդամ-պետություններին գործունեության ամենատարբեր ձևերով նպաստել հուշարձանների պահպանությանը և լուսաբանել ժառանգության պահպանության կարևորությունն ու խնդիրները, բարձրացնել հասարակության զգոնությունը և պատասխանատվությունը ժառանգության պահպանության հանդեպ: Այս տարի ԻԿՕՄՕՍ-ը ժառանգության պահապաններին առաջարկել է հանդես գալ տարաբնույթ մշակութային նախաձեռնություններով՝ «Սպորտի ժառանգությունը» խորագրի ներքո:

Այցելություն Էրեբունի

Որմնանկարներ

Image 1

Վազող նժույգ
Էրեբունի, մ.թ.ա. 8դ.

Գտածոներ

Image 2

Բրոնզե թաս
Արգիշտի Ա-ի արձանագրությամբ
Կարմիր բլուր, մ.թ.ա. 8դ.

Ոսկերչություն

Image

Ոսկե մատանի
Կարմիր բլուր, մ.թ.ա. 8դ.

Խեցեղեն

Image 2

Ցլագլուխ
Ծիսական անոթ
Երևանի բիայնական դամբարան, մ.թ.ա. 8-7դդ.

Հուշանվերների կրպակ

 

Erebuni

Էրեբունի թանգարանի հուշանվերների կրպակում Դուք կարող եք ձեռք բերել թանգարանային հավաքածուից ընտրված առարկաների կրկնօրինակներ և դրանց պատկերների օգտագործմամբ ստեղծված մշակութային արտադրանքներ:

Հուշամատյան. պատառներ

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի


Guest Book